تعبتوا.. من الغازات والمغص.... معلومه فرررررش....

السلام عليكم....

اخباركم مع صياح المغص.... وصريخ الغازات... ادري تعبتوا وادورون حل......

البارحه كنت عند الدكتور...وسألته عن الغازات اللي ببنتي... لانها اذا كانت نايمه اتقوم تصرخ....وصياح..... وحاله....

تعالوا اقوللكم على الطريقة.... بس يبغالها صبر..... صبررررررررررر... مو تتعبون من الصياح وتتراجعون....:09:

قالي لازم اتنظمين الرضعات كل 3 ساعات بس رضعات اتشبع يعني تمسك كل صدر 15 دقيقه او اكثر... واذا نامة صحيها فكي اللف عنها لين ماتشبع واتصير هي من نفسهامو راضيه اتكمل........ واذا صاحة بين الرضعات عطيها ماي مع سكر نبات..وقالي خلي اخر ضعه اللي على الساعه الي اتني تبغينها... ومن بعدها اذا صحة ما في غير الماي... قالي يومين وبتشوفينها اتنام لين الصبح.. وخلي رضعة الصبح الساعه 6.....

اقولكم ليش كل 3 ساعات......




قال لان المعده تحتاج وقت لين ما تهضم الحليب واتنزله للامعاء..... تقريبا 3 ساعات... وقالي اذا هي رضعت ورجعتي عطيتها بعدها بساعه... او ساعه ونص.... اتكون المعده ماخلصت هضم وترجع تهضم الجديد.. والحليب اللي شربته قبل يتخمر... وهذا اللي يسبب الغازات...... وقالي ان الطفل ذكي واذا شاف انه خلال هالفتره ما لقى غير الماي بينام لين وقت الرضعه الثانيه... وبيرتاح... من المغص والغازات.......وقالي لو هي تستفرغ مع هالطريقه ما بتستفرغ وبتاخذ رضعتها كامله

وانا بديت معاها اليوم... ادعولي.....انجح معاها....والله يشفيها من الكحه وحساسية الانف...