تعبتي من السعي ورا الرشاقة ؟ ليش ما تخلين الرشاقة إهي اللي تسعى لج ؟ دخلي و شوفي

احم احم
السلام عليكم و رحمة الله و بركاته
أنا عضوة قديمة جدا بالمنتدى .. وايد بنات يعرفوني .. مالي مشاركات وايد بس كله أحاول أرد على البنات
قصتي باختصار أبي أوصل وزني بالخمسينات و قدرات مرتين بس للأسف رجع وزني كله إلى 68 لين اكتشفت السر اللي يقدر يخليني أضعف و أنا مرتاحة و مستانسة و أبيكم تشاركوني

راح أسوي الموضوع بمثابة منافسة بينا .. بس مو مثل المنافسات الباجية هالمرة منافستي غير أنا و ان شاء الله وعد راح تفرحون و كلنا راح نضعف و إحنا مستانسين .. ما راح أفرض عليج رجيم لا تخافين و إذا تبين تكتبين طولج ووزنج هالشي اختياري مو مهم وزنج حتى لو كان فوق ال200 تعالي معاي و ان شاء الله راح تلاحظين الفرق ..قبل لا نبدي أول شي أبيج تتبعين هالخطوات إذا ممكن :
1- إذا كنتي عضوة بالمنتدى و نيك نيمج فيه رسالة سلبية مثلا (( الدبة .. السمينة .. البطة )) أو أي من هالأسماء أبيج تكتبين لج نيك نيم ثاني بتوقيعج بالخط الكبير (( الرشيقة )) أو (( أميرة الرشاقة )) شي إيجابي .. شي يبين إنج انتي رشيقة .. أو أي نيك نيم فيه شي من الإيجابية أوكي ؟ مثلا أنا اخترت (( سندريلا الحلوة )) أنا أحب أحد يناديني سندريلا و أستاااننسسس و أحس إني أميرة .. و هذا النيك النيم اللي بحطه بتوقيعي و إذا ممكن حطي صورة حلوة بالتوقيع أفضل بعد و هالنيك نيم اللي بتختارينه إهو اللي راح نناديج فيه .. و راح تعرفين نفسج من نيك نيمج اليديد

2- طول ما إنج داخلة موضوعي ما أبي أسمع كلمات سلبية .. مثل (( خبصت )) .. (( أحس إني ما راح أنقص )) .. (( أنا دبة و كل من شافني قال أنا متينة )) .. (( مليت أحس إني راح أظل متينة ))..(( جاتني الدورة و نفسيتي بالنازل )) ماااااااا أبي أسمع هالكلمات نهااااااائييياااااا دايما لما تدشين موضوعي حتى لو كنت عافسة الدنيا تدشين و تكتين شي إيجابي مثلا تقولين (( أنا كثرت شوية .. بس الحمدلله تعلمت من خطئي و عرفت وين كان الخطأ و ان شاء الله ما راح يتكرر )) و يفضل تذكرين الخطا مع الحل عشان البنات يستفيدون بعد أو (( جاتني الدورة الله يسهلها علينا و عليكم أجمعين يارب)) .. ضرووووووووورررييي هالخطوة تسوينها .. أي وحدة عندها رسالة سلبية ما تدش هالموضوع .. لأن هالموضوع للإيجابيات فقط .. لازم تكونين دايما إيجابية مهما كانت الظروف..

3- بهالموضوع ما راح نتابع أوزان بشكل اسبوعي أو شهري أو أي شي من هالنوع .. إذا نقص وزنج و حابة تشاركينا ماكو مشكلة .. و نقدر نبارك لج بس مو ضروري يعني شي اختياري ..

4- أي وحدة عندها تجربة إيجابية وودها تطرحها حياها الله .. الموضوع إيجابي و حلو إن نتعلم من الناس الايجابية و الارادة

المنافسة راح تكون منو أكثر وحدة إيجابية طول الاسبوع .. أكثر وحدة نفسيتها بالعالي و حابة نفسها و راضية عن جسمها مع الوقت راح تشوفين النتايج النفسية اللي راح تسويها هالخطوات من راحة نفسية و التزام عدل بالرجيم اللي انتي تبينه لان نفسيتج مرتاحة طول الوقت .. و أنا ان شاء الله راح أحاول أنزل نصائح إيجابية راح تفيدكم إنكم تستمرون ..


ها منو معاي بالمنافسة ؟؟