الله يجزاك خير سهله مره للي ماعمرها سوت مرقوق
ابي اصدم اهلي بقولهم جيبو لي طحين بسوي لكم مرقوق وبكذب عليهم وبجيب خبر القرصان هههههههههه واسويه

اختي فيه طريقه انك تعجنين العجينه وتفردينها احسه الذ من القرصان..

روعه

طيب زيدي هالحيله من عندي
رشي شوي طحين اسمر عليه عقب ماتحطين القرصان علشان يغتر المرقه (تصير ثقيله)
ويطلع طعمه كنه مرقوق قرمه

انا هذي طريقتي في العزايم ..
وبصراحه تعتمد على نوع القرصان ..
وقبل اقدمه احركه عشان يتقطع ويطلع كانه مرقوق اذا تركته تكون القطع كبيره ممكن يوضح انه قرصان
والله انا دايم اسويه اذا صار عندي عزيمه واشطر ست بيت ماتقدر تفرقه عن المرقوق العادي ..
حتى خالتي ام زوجي مع انها حرمه سنعه ماشاء الله عليها تفاجأت مررررره يوم درت توقعت اني طول انهار وانا انسف يديني ههههه..