تعبتي نفسك !!!!

قريبة لك عندها مناسبة بذلت جهدك لتقديم هدية حلوة لها وتفننت في تغليفها وطبعاً قيمتها بالشيء الفلاني وانتي مبسوطة وتتخيلي ردة فعلها عندما تقدميها لها .....

وفي يوم المناسبة ما حد قدك شايلة الهدية الي متكلفة فيها وانتي فرحانة وتقولي : تفضلي هادي حاجة بسيطة إلا وهي تقول :





ياااااااااااااا الله مااااااااااااالو داااااااااااااااعي تعبتي نفسك ؟؟؟ :(







يوم من من الأيام رايحة زيارة لسلفتك وشايلة صينية مكرونة بالباشميل سويتيها بنفس مفتوحة و لما قدمتيها قالت لك سلفتك :





مااااااااااااااااا لو داعي تتعبي نفسك سوينا أكل كثير ؟؟؟؟؟؟
وسوينا مكرونة بالباشميل كمان :09:







وفي المقابل صديقتك المقربة جداً لو تهديها هدية بسييييييطة عطر أو خلافه تكون ردة فعلها أول شي إنها تفتحه قدامك وتقول :




الله مرررررررررررررة حلو كان نفسي فيه من زماااااااااااااااان شكراً يعطيك العافية :27:





قصدي من هذا الموضوع أعرف آرائكم في الردود أنا عن نفسي أتضااااااااايق إذا قدمت هدية وقالو لي تعبتي نفسك أحس بالإحباط وكأنو فعلاً مالو داعي إلي سويته ونفسي أعرف ليش إحنا نبين إننا مستغنين عن الهدية ومستكبرين وأكبر عيب إنو نبين فرحتنا فيها يعني حتى لو إحنا فعلاً مو محتاجينها بس في شي اسمه ذوق ومجاملة ونحسس الي قدمت الهدية إنها سوت لنا شي حلو وفرحتنا مو نكسر مجاديفها ونحطمها مدري إيش رايكم ؟؟