تعبت

السلام عليكم

والله تعبت وما عاد ادري لمين افضفض

قبل 6شهور

اختي عمرها 10سنوات مره داومت اختي المدرسة ومن يوم ما رجعت وهي نايمه قلنا يمكن من اثر السهر الموهم يمكن قعدت اسبوع وهي على هالحاله بس نوم وخمول وتصرخ في وجيهنا بعد فترة بدا يثقل لسانها وكبر لدرجه الاسنان صار بينها فراغات ما عاد صرنا نفهم على كلامها بعدين انفتحت الشهيه عندها بشكل كبير ما حد يتخيله اذا قامت ولا لقت اكل والا قافلين الثلاجه تقعد تبكي وتقول انا ما اكلت شي وجوعانه قسم بالله نشيل الغدا تروح تجيب لها صحن مليان نواشف وعصير اللي موجود بالثلاجه تجيبه صار الوزن يفجع وجبنالها ملا بس ومريول جديد تخيلوا في الاسبوع الواحد زاد وزنها اربع كيلو وكان معها رجفه اربع وعشرين ساعه ما ادري كيف اوصفها لكم بس ترتجف وعيونها ما عاد تركز زين حتى لما تضحك تحسين في البنت شي زي ذوي الاحتياجات الخاصة والله ما اكذب عليكم شكلها يحزن كلنا لا شفناها قمنا نبكي ما عاد نقدر نقعد معها مو بيدنا بس التغير المافجئ افجعنا بعدها بشرين بالضبط اختي اللي اكبر منها صار لها نفس الحكاية قسم بالله ما عاد اطلع عشان اقعد معاها ما عاد لقينا لها لبس من الوزن اللي هي وصلتله قلبي يتقطع عليهم وانا اشوفهم بالهوضع اختي الصغيرة تقعد تبكي تقول ودي العب مع البنات ودي اركض بس ما اقدر ادوخ وما اشوف زين وتقول ان شاء الله اموت وافتك من هالعيشة بس اختي الكبيرة اول ما بدا معها كانت ترتجف وتطيح بالارض ما تقدر توقف تقول كان رجلي احد يربطها


والله ما خلينا مكان ما خلينا رقية وما خلينا شي الصغيرة الحمد الله بدا التحسن فيها ومحافظة عالصلاة واذكارها وتدعي وصارت في تحسن كبير عندها عزيمه وتخفف اكل وتجاهد نفسها وتقرا الرقيه الشرعية وتحسنت بشكل ملحوظ

اما الثانية لا حول ولا قوه الا بالله حالتها مدهورة بالحيل لما نقولها سوي مثل اختك تنافخ وتصرخ وتقول يعني انا ما اسوي مثلها والله ما تسوي شي كل ما امرها قاعده بس عند الثلاجه وطايحه اكل اقولها ارحمي نفسك تبكي وتدعي علي وانها ما تاكل شي وجوعانه واذا خلصت راحت نامت تنام بالساعات واذا قومناها تقول ما نمت ولا خليتوني انام

انا نفسيتي دمار موبس انا البيت كله ولا نبين لها قولولي الله يسعدكم هاذي الاعراض رممكن تكون ايش والي تعرف شيخ في الرياض لا تبخل علي الله يوفقكم


كل الفحوصات سويناها لهم سليمات ميه بالميه حتى الرنين المغنا طيسي سويناه والله سليمات