تعبت

السلام عليكم .
اول شيء احنا عايلتنا منبوذه من اخوالي واعمامي كل ما شافونا بزواج او مناسبه يجلسون يضحكون علينا ويتهامسون لاننا ما نعرف نسولف وما نعرف نلبس وما نعرف حتى نحط مكياج ابوي عنده اعتقاد ان الكل يحبنا لدرجه يجبرنا نروح نسلم عليهم وامي تحسبهم شاقيين عننا وم وتقولهم وين رحنا ووين جينا وايش سوينا وايش راح نسوي وهم والله انهم ما يتمنون لنا حتى الخير لكن الحمد لله ان الرزق مو بيد احد . المهم حتى بالاعياد لحالنا محد يجينا الا صحبات امي وكلهم كبار بالعمر . اللي يقهر مو كل هذا اللي فوق كله ينبلع لكن بعايلتنا الصغيره اللي هي اخواتي واخواني بيننا حسدوحقد وقسوه والله ان نقول لبعض كلام ما يتحمله الحجر حتى ابوي كلامه معانا كله قسوه اختي اللي اصغر مني تبغى تسيطر علينا كلنا وخصوصاً اخواتي اللي اصغر منها تحط لهم لسته ايش ياكلون وايش يشربون وايش يشوفون وايش يقولون المصيبه ان مو بس على اخواتتي اللي اصغر مني لا علينا كلنا تملي علينا ايش نسوي وايش نقول . اخوي الكبير واختي الكبيره برضه يتضاربون معانا واختي هذي اللي تبغى كل شي على مزاجها تقول حتى لو ايش ما سوو تسكتون وتضحك وهم يتضاربون معانا ولماتدور الايام ويتضاربون معاها تاخذ حقها وزياده طيب وين كلامها ان لازم نسكت ونطم . تسوي نفسها ملاك بكل مشكله وان لازم نسكت وهي بجرد ما تصير لها نفس المشكله تطلع عفاريتها وتاخذ حقه. كم مره احاول اخذ حقي تقوم تنكت علي وتتطنز لين تحسسني اني جالسه اسوي شيء غلط واتركه والله ان حقي جالس يضيع من قدام عيني كله عشاني خايفه من تعليقاتها اللي تهلك. اقولها مالك دخل واعصب تقوم تضحك وتقول بنبره كلها سخريه لا قويه قويه والله ان شخصيتي انمحت كله من تعليقاتها وكلامها حتى لما ننعزم باي مكان واسولف تجلس تضحك ولما نرجع بالبيت تمسك كل كلمه قلتها وتضحك عليها وتتطنز رغم اني ما قلت شيء واللحين جالسه اتعللم المكياج والله ما خلت كلمه ولا بقت الا قالتها . تخيلو انها اصغر مني بسنه . والله اني بعض الاحيان اقول بعذرهم الناس ينبذوننا اذا هذي اخلاقنا مع بعض . شلون اوقفها عن حدها حاولت كذا مره بس اتلعثم واكلج وتتسدح من الضحك واتحطم ويروح كل جهدي هباء منثورا .