تعبت:(

السلام عليكم ورحمة الله
ماني عارفة كيف ابدا بطرح مشكلتي لكن بحاول سردها بشكل مفهوم قد الامكان ..
انا فتاة ابلغ ٢٤ عاماً ولله الحمد جميلة ومتفوقة دراسيا ومدللة من والدي لكن كما يقال في المثل المعروف ( الزين مايكمل!)
للاسف الموضوع ذا مأرقني من سنين خصوصا انه شي في العايلة وتعرفون كيف نظرة المجتمع انه انت تتكلم عن اهلك بشكل سيء
كيف ممكن انك تكون مافيك خير لاهلك ... الخ
بحاول اذكر التفاصيل بالترتيب
بدايتها كنت في عمر ١٦ سنة وزي ماتعرفون هذا سن المراهقة والطيش ويمكن اغلبية الناس سووا اشياء مستحيل انهم يسوونها في عمرهم الحالي لانه خلاص نضجوا ووعيوا!
اللي صار ( والله يشهد اني صادقة بكل كلمة اقولها ) لاني ادري فيه كثير ناس مستحيل يصدقوا وبيقولوا ذول اخواتك مايسوون فيك كذا ،
غلطت غلطة تكاد تكون بسيطة لكن رحت للاسف لاختي الكبيرة اللي كنت اعتبرها امي من كثر الثقة اللي كنت معطيتها اياها اعطيت لها سري وكنت واثقة انه حتى لو ماساعدتني راح تكتمه ، بعد فترة بسيطة اكتشتف انه قالت لاختي الاصغر منها سكتت قلت يمكن ماقدرت تسكت وبرضوا هونت على نفسي مع انها خانت ثقتي انه برضو ماطلع المووضوع لاحد غريب ،،
كمان بعد كم شهر صار الاخس دقدقة هرج وكلام كله تلميحات والله والله مستحيل انه يطلع شي زي كذا من اخت انا حسيت انه فيه شي ، بعدين اكتشفت كمان انه فتشوا جوالي وانا نايمة وعشان كذا ،،
طبعا هذا الكلام من حوالي ٧ سنين اللي ماتعرفونه انه هم مايعرفون اني انا اعرف كل شي يعني يدقون بالهرج ويطلعون اللي في قلوبهم ويحسبوني غبية ماذري وش يقصدون
قبل سنتين تقريبا اختي الثانية تجيب سيرة المووضوع بالتلميح تخيلوا بعد خمس سنين مازالوا مبسوطين انهم لقوا علي شي
واروح لاختي طبعا انا عارفة كل شي بس ابغاها تعترف اقولها فلانة انتي قلتي لها قالت لها وانكرت فوق ذا تستغفلني وتقول اذا تبغيني اسالها سالتها اقولها كيف عرفت تخيلوا !
ماراح اطول المووضوع اكثر من كذا بس بعد ماعرفوا اني عرفت بشكل غير مباشر زادت التلميحات وزاد دق الهرج بشكل لدرجة بدون مبالغة والله احس اني كرهتهم فعلا ،، وبالنسبة للمووضوع انا كنت عارفة انه شي غلط وكنت ساترة نفسي وقتها بس هم فضحوني وقاعدين يعايروني لين ماتخرجت من الجامعة وانا تبت الحمدلله وبعدت عن ذاك الطريق بعداً تاما ،،
بعد ماطولت عليكم كثير اسفة💔 ابغى حل جذري لاحذ يقولي تعاتبي معاهم وكذا لانه بصراحة مستحيل ينفع معاهم لانه حقيقة انهم مبسوطين انه لقيوا علي حاجة يبتزوني فيها رغم اني والله اعرف كثير اشياء عنهم بس ماسويت حركاتهم ابدا ولا افكر يعني عم متعمدين انهم يسووا كذا عشان بس لحذ يقولي تناقشي معاهم انا كيف اتجاوز الموضووع لانه حرفياً قلبي شااايل اخواتي اللي المفروض يكونوا سند لي يلوون يدي بماضيي !! هذا غير اشياء كثير والله بس ماقدر اقول كل شي هنا وياما سمعتهم يحشون فييني ويسبون واذا تضاربت مع وحدة البقية يوقوفن معاها ويقاطعوني كلهم
تكفون ابغى كلام يطبطب على قلبي ادري انه ذا ابتلاء وانه ذي الدنيا ومافيها شي كامل بس والله الموضوع كاتمته في قلبي سنيين تعبت خلاص💔💔💔