تعبت

السلام عليكم حاولت احل هالمشكلة بس ماتنحل
انا اول سنه جامعة وعايشه مع اهلي عندي اخت كبيره واخ كبير واثنين اولاد اصغر مني يعني احنا خمسه ومع امي وابوي 7 المهم انا تعببت كل شغل البيت علي تنظيف ومواعين وزبايل اجمعها واطلعها اتعب والله اتعب كل يوم على هذا الحال كلهم يقربعون ويطبخون وانا اتعب والله واسهر وانا اغسل واذا قلت مالي دخل وقعدت بغرفتي المواعين تعفن والبيت يخيس حتى الزبايل اترجى اخواتي الصغار يطلعونها ومايفيد اطلعها لهم عند الباب اقول بس طلعوها للشارع مافي فايده اتعب انا اتعب مو معقول كل وقتي اغسل مواعين وانظف المطبخ والثلاجات اطلع اكلهم الخربان كلهم يوصخون حتى اختي طبعًا اتهاوش معهم واكلم امي تهاوشهم بس تدرون وش يقولون عني راعية مشاكل ومحد قالك تنظفين واذا تركت كل شي على حاله ومانظفت تجي امي تصارخ وتقول انتوا وصخين وتجمعني معهم عجزت كلمتها اكثر من مره وكلمتهم وتهاوشت مع البيت كله مافي فايده كل يوم اواسي نفسي اقول اصبري الله بيعوضك بس تعبت انا انسانه والله وهم مايرحموني عندنا غسالة مواعين بس والله ماتشيل مواعينهم ماتكفي واصلا لازم قبل ادخل المواعين انظفهم واشيل الاكل هم يجون يرمون مواعينهم والمجلى كله اكل وادخل نص بالغساله ونص اغسل بس تعبت كل يوم سهر تعبت