تعبت

10 سنوات ولسه في صراع ما تحسن انك طولتي ؟
ليش روح الانهزاميه والهشاشه والضعف بكلامك
وفوق كل هذا تركتي له الجمل بما حمل تركتي غرفتك بكامل إرادتك
ليش جالسه تعاقبين نفسك كذا ؟
ترى كل اللي تسوينه من حرق لنفسك واعصابك ماراح يرجع ولا ذرة من الشي اللي راح
انتي جالسه تعاقبين نفسك بنفسك متخيله في لا وعيك انك كل ماسويتي كذا بيحن ويتغير ويرحم ويرجع لك ويصير طيب حنون كويس
عزيزتي انتي عايشه اكبر وهم ومتشبثه بسراب
قولي لنفسك كفايه وارضي وتصالحي مع واقعك
وش بقى تخسرينه او تنتظرينه اكثر من كذا ؟
10 سنوات ضيعيتها على الفاضي
وتفكرين اذا تطلقتي بتزين امورك او بيوقف عند بابكم طابور عرسان يتسابقون عليك وانتي تختارين ؟!
معليش بس الوحده تعرف وضعها ومجتمعها وما تتصارع معاه وهي مو مستعده ولا عندها خيارات ثانيه ترضيها
رجال وتزوج بالطقاق خليه يولي
طلاق ماتقدرين خلاص ابقي في بيتك وعيشي بكامل كامل كامل حقوقك
بلا حب بلا مشاعر وحنان وبطيخ وكلام مسلسلات فاضي
انتي حبي نفسك وحبي اطفالك وحبي حياتك وكوني سعيده فرحانه لنفسك مو لغيرك
احياناً اذا حبينا انفسنا وعشنا الحياه بدون لا نهتم بفلان وعلان ولا نركض وراه ولا ندوره تطيب انفسنا منه ويصير فعلاً من داخل قلوبنا مالنا رغبه بكل شي كنا نركض وراه ونكتشف ان الحياه فيها اشياء كثير اجمل وتوسع الصدر
الحياه مو كلها ذكر تركضين وراه وتستمدين منه اكسجينك وسعادتك وراحتك
كبري راسك وانفضي عنك ثوب الضعافه والتمسكن واصحي من الوهم اللي حاصره نفسك فيه
وسعي نظرتك وعيشي لنفسك واطفالك ورب العالمين بإذن الله يعوضك عوض جميل ويفتح لك ابواب الخير والسعه واليسر
وتذكري إن الله لا يغير ما بقوم حتى يغيروا ما بأنفسهم

إنك ما تقدري تطلقي آمنا وسلمنا أما سكوتك وتفريطك في حقوقك ماله مبرر إلا الضعف.
الزواج مودة ورحمة مو خرس زوجي وحبس وقهر وهجر حبيبتي سكوتك مخلي الساحة فاضية لضرتك الي ما ضنتي إنه هاجرها أكيد واخدة كل الدلال والراحة وهو مريح باله معاها لكن المشكلة عندك ساكتة ما طالبتيه بالعدل تكلمي وإن ما سمع سوديله عيشته ونكدي عليه أيامه وارفعي ضغطه مثل ما مرضتي من وراه مرضيه مو تخليه يفرفش عند ضرتك ولما يجي عندك يقلب وجهه.
خوفيه بالله إن ما عدل بينكم وإن ما عدل بين عياله اشتكيه لأهلك خليهم ياخدوا موقف مو بالضرورة تطلقي يكفي يحس إن وراك أهل يدافعون عنك أما لو محسستيه إنك متشبثة بالزواج عشان الأطفال بيزيد يتمادى.

وش هي هذي الظروف القاهرة اللي تخليك تتنازلين عن حقوقك وتعيشي في ضيم وقهر
ابغى بس اعرف نوع الظروف عشان نقطعها سوا
مافي اي مبرر للي سويتيه في نفسك
الدنيا تغيرت وكل شي صار في صالح الحرمة

الله يكون بعونك يارب
ويصبرك
ويعوضك بالعوض الجميل
ادعي في صلاتك
إن ربي يشرح صدرك وييسر امرك ويبعد عنك الي يضايقك
عليك بالدعاء
واطفالك مالهم ذنب يشوفو امهم مريضة وغير سعيدة والله انهم يحزنون
كوني قويه علشانهم وعلشان.نفسك

تراهم بستاهلون ضحكاتك ولعبك معاهم تنسين الدنيا معهم