تعبت ابي حل اكرررهه

السلام عليكم
مو عارفه من وين ابدء بس بقول الي بقلبي واتمنى القى الحل الي يريحني
انا كنت منفصله عن ملكه من قبل وتقدم لي مطلق وعنده بنت والبنت عند امها بمنطقه ثانيه قالت امه سبب الطلاق ان ام البنت ماتبي تسكن بمنطقة زوجها تبي منطقتها وصار لهم اربع سنين من انفصلو وماله اي علاقه بالبنت وقالت عمره 35وموظف ومالي علاقه بالبنت وافقت وصارت الشوفه الشرعيه وقتها استخرت بس ماحسيت باي شئ لاضيقه ولا راحه عادي
بعدها كلم ابوي وقال انه ارتاح ويبيني ومدري ايش بس هو مو مطلق شبه منفصل ومخليها ع ذمته عشان البنت ماوافقت وقلنا كل واحد يروح بطريقه بعدها ضليت سنه ورجع تقدم لي وقال انه طلق خلاص وشفنا ورقه الطلاق تمت الملكه بالبدايه شكيت لان شكله مايعطي 35يعطي اكبر بس مشيت الموضوع صار يكلمني ويزورني وكل مازارني البس واكشخ واجهز كل انواع الضيافه بس كانت لقائتنا رسميه جدا سلام باليد وكل واحد يجلس بكنبه وسوالف رسميه اخباروكيفك وكذا صرت ابادر واصبح عليه يوميا برسائل دعاء وغلا وهيك شئ وعادي يشوفها ويرد علي بالليل قلت مو مشكله بعد كم زياره جا يقولي انا من قبل اتقدم لك افكر اترك وظيفتي وعندي اشغالي ومدري ايش انصدمت قلت ليه ماقلت هالكلام قبل الملكه قال ليه اقوله قلت من حقي يكون عندي الخيار بالموافقه ع الموضوع قبل ماتتم الملكه وجلس يصرف انا افكر ماقلت بترك ومدري ايش بعدها شكيت بالعمر كنت مصوره صوره العقد واخذت ميلاده واكتشفت عمره 44مو 35انصدمت فرق العمر بينا 15سنه وانا كان من شروطي يكون الفرق بين اقل شئ خمس سنين عشان نكون متفاهمين وجيلنا من نفس الجيل مشيت الموضوع جا بزياره ثانيه يقول بعد الزواج يااني انقلك للمنطقه الي فيها بنتي ولا ارجع امها اختاري واحد من هالخيارين انصدمت وانهرت خير الحين انت عارف انه رفضناك قبل عشانها ع ذمتك لاني ارفض تكون معي شريكه وجاي بكل جراءة تعطيني هالخيار ولا تنقلني من مكاني واهلي وناسي وتترك شغلك عشان مدرسه بنتك والي يقهر ع كلامه هو وامه انه سبب انفصاله انه مايبي ينقل لمنطقه ام البنت والحين جاي تقول بنقل ليه طلقتها من الاساس ونقلت وريحت كل الاطراف قلت ولا واحد من هالخيارين قابله تبي جيب بنتك عندنا وبعاملها بما يرضي ربي ورفض وقتها خلاص فكرت بالانفصال لانه ولاشئ من الاشياء الي وافقت عليها قبل الملكه موجوده كنت شارطه يكون عمره 35 يكون موظف اكون بمنطقتي الي ساكنه فيها قلت لابوي كل اسبابي وصار يسب ويهدد فيني اني لو فكرت بالانفصال بخلي عيشتي سوده كملت هالزواجه مغصوبه وكارهه حياتي كان ماخر الزواج عشان يخلص الشقه وع فكره قبل لااقول لابوي كلمته امي وقالت له كل واحد بطريق ويجي ياخذ مهره وشبكته بس بعد كلام ابوي كلمته وقالت له يرجع ام البنت لان ماعندي استعداد انقل هناك عشان بنته خلصت الشقه ودخلتها لاول مره مافيها شئ ماثث غير غرفه النوم الي كانت حوسه مناديل مرميه ع الارض فراش محيوس ريحه مكتومه ادويه علب عسل بكل مكان رحت الصاله مافيها الا الكنب وطاوله مكسوره وتي في ع الارض من غير طاوله مطبخ كل الاواني فيه وسخه ومكسره انفجعت وقتها كانت معي الدوره وماقرب مني كنت مقهوره مفجوعه من الي اشوفه مدري كيف وشلون بس صرت انام بالصاله لانه مايشغل مكيف بالغرفه بسبب انه مايتحمله ومعه كحه قويه دايم يومنا يوميا يجي الصاله يجلس قبالي السلام واخبارك والخ انا ابي اكل كذا ابي شرب كذا وليه ماتاكلين هذا صحي ليه تاكلين هذا مو صحي ليه نومك كذا انا ماتوقعت طولك كذا مع انه طولي زين 160توقعتك اقصر ومع انه شافني بالشوفه مرتين وبكعب ماتفكرين تسوين رياضه وزني حلو وجسمي متناسق صار يومي اصحى من النوم اسوي الغدا ياكل لاحمدا ولا شكورا انا مااحب اشم ويحه الاكل ليه طالعه ريحته ومدري ايش صحيح انا ماالبس قمصان نوم بس كل يوم البس واتكشخ واتعطر واجلس بالصاله وماعمره قرب مني عشان حد يقول حارمته من حقه يوميا يجلس قبالي والصمت والملل محور حياتنا مو قادره اتقبل وكل يوم اكتشف فيه شئ منفر اقرع كحه قويه دايمه يوم يجلس بالمكان يحط التي في ع العربيه مافي اي شئ مشترك بينا يحب يقرا الكتب الاداريه والعلميه ويتابع الاسهم والاخبار
وانا احب الاشياء الترفهييه برامج مسلسلات افلام مانطلع ولانروح لاي مكان اسبوعيا يسافر لمنطقه بنته ع قوله عنده اشغال سالته الى متى اجازتك صار لنا اربع شهور وهو ماداوم يقول ماخلصت اشغالي قلت شكلك تركت شغلك صح قال واذا عاجبك اهلا وسهلا مو عاجبك مو مجبوره وقتها انفجرت قلت الا مجبوره وقلت الي صار ووش اسباب رفضي واجبار ابوي قال انتوا نكبتوني قلت كان بامكانك تتفادى هالنكبه وقلت كل شئ قبل الملكه عمرك سالفه وظيفتك وبنتك وامها ووقتها يكون لي الحق اكمل برضاي وقناعه بالظروف الي انت فيها مو بعد ماطاح الفاس بالراس تحي تقول كان تكلمتي وانفصلنا اي وش عليك بتطلع منها ببساطه وانا بصير مطلقه للمره الثانيه بعدها قلت بفتح صفحه جديده قلت يابنت حاولي عشان مااندم اني ماحاولت اتناسى واتقبل وضعي بديت يومي بالغدا ولبست وتضببظت ويسولف وارد عليه كالعاده واحاول اخذ واعطي مع بالسوالف واقوله نواقص الشقه عشان نكملها جا بالليل لبست قميص قطني لنص الساق ومن غير اكمام ورحت بالغرفه شغلت التكييف ع منخفض مراعاة له وعشان مايقول اني حارمته حقه لاني انام بالصاله جا قفل التكييف وحط راسه وبدا شخيره وكحته ماقدرت اتحمل الكتمه والازعاج وقمت للصاله انام ضليت كم مره ع هالحاله اشغل التكييف واكون نظيفه ومتعطره ويجي ويحط راسه ويطفي التشغيل وينام بعدها تعبت وصرت انام بالصاله مره ثانيه مو قادره اتاقلم ع جوه بالنوم وبكل شئ وش الحل مو قادرة اكمل معه ولا قادرة اتطلق ابوي طردني وش اسوي تعبت وصرت جديا افكر انتحر