تعبت ارجوكم نصيحة صادقة بلغ الالم منتهاه

السلام عليكم ورحمة الله وبركاته
الله يسعد اوقاتكم جميعا 
ارجوكم بنات ان تقراون كلامي وتنصحوني لاني والله العظيم تعبانه وفقدت لذة الحياة
انا تزوجت من سنتين ونص تقريبا وانا معلمة ومن البداية حسيت زوجي عصبي وينرفز على اي شي وانا موظفة في مكان وهو في مكان ثاني  اخذت اجازة لشهر العسل وتزوجت وبعدها رجعت اكمل دوامي وهو في دوامه
للاسف هو مو ملتزم في دوامه ويغيب ويتمشكل مع الكل ويجي يتفاخر واالله تهاوشت مع فلان وفلان وانا انصدمت لاني ماتربيت على كذا وحاولت اتفهم وامشي كلامه وانصدمت انه مايصلي كان يمثل علي اول يومين بعدين بطل وانا ملتزمة بالصلاة ولله الحمد ومااحب اتاخر عن الفرض وكان يزعل لما اقوله بروح اصلي ويحاول يصرفني ويشغلني عن صلاتي باشياء سخيفة المهم كنت اسوي اللي يبغاه واروح اصلي واحس الشيطان بين عيونه لدرجة صرت اخاف لما يجي وقت الصلاة مااقدر اصلي لين يقوم من عندي ورغم هذا صبرت وحملت جبت ولد وبعده على طول حملت ببنت والحمدلله على كل حال
وانا عند اهلي في بداية زواجنا  قلت له بروح مع اهلي الرياض لين تجي انت وتاخذني لانه هو في الشمال قال ﻷ وسوى سالفة وقعد يهدد ويقول كلام مدري كيف ليش  تروحين الرياض انا تركتك هناك انت خلاص مرة مو بنت وانت وانت المهم سكت وقعدت وماسافرت مع اهلي لين جاء اخذني ورحنا فندق وتخيلوا اول مادخلنا كان مبتسم ويقرب مني ويسوي نفسه بيحضني وضربني كف على وجههي وكان اول كف اخذه بحياتي وانهرت منه وقعدت ابكي ويقول ليش تقولين بروح الرياض مع اهلي--المهم سكت وماقلت لاهلي قلت مابدخل اهلنا بينا -المهم وتوالت الايام وهويضربني على اشياء سخيفة مدري كيف نفسيته
يشوف ان الحرمة تكون عبده عند زوجها واذا زعل ويقول خلي صلاتك تنفعك -المهم بعدين نقل عندي واعطيته بطاقتي برضاي رغبه مني في مساعدته لان راتبه مو شي 
زعل ابوي وامي لاني اعطيته كل شي وبعدها جا زواج اختي وماوداني يقول عنده دوام وزعلوا اهلي زيادة مع انه كذاب يغيب بالهبل ومافرقت معاه يومين يوديني احضر الزواج 
المهم اهلي خذوا في خاطرهم وتكلم قدام ابوي يقول لاتتدخل بينا انا ومرتي وانا وانا --للعلم ابوي تاج راسي ضابط بمرتبه عاليه جدا ولله الحمد وكنت عايشة في احلى عيشه وزوجي من عايله تادية وانا وافقت عليه برغبتي وماحد غصبني بس اني بالحيل ندمانه
المهم راتبي على راتبه ماكفى لا كان علي قرض وهومايبقى من راتبه الا300 ريال وانا الباقي علي الببت والسيارة والاكل والمستشفى وكل شي وجينا بناثث ببتنا اضطريت ابيع من ذهبي واعطيه وزعلت امي وابوي وراحوا كلموا ابوه قام زعل زوجي وقعد يسب اهلي ويحتقر ابوي --وابوي جعلني فدوة رجوله ماسك نفسه وقال لي اذا مانت مرتاحه تطلقي بيت ابوك لك بس انا تظاهرت اني مرتاحه وماعلي خصوصا اني كنت حامل
المهم اهلي زعلانين مني بالحيل واذا كلمتهم يكونوو رسميين معي بالحيل
وزوجي جدا نفسته صعبه بس يضربني ويشتم ويهاوش على اتفه الاشياء ويشوف نفسه مثقف وذكي ويحاول يستحقرني ويقلل من شاني ويقول دايم المثقف تعيس والذكي تعيس يقصد نفسه--دايم عالنت وموسيقى واغاني وبلوت ودخان ولا صلااااااااااااة الا في السنة حسنة على قولتهم حاولت اكلمه في الصلاة كذا مرة يحاول يتهرب ويعطي نفسه عذر يقول انه مخلص النيه---يهزئ على اتفه الاشياء ويسمعني كلام اقسم بالله ان قلبي ينزف دم منه واخجل اقوله لكم واتالم لدرجة دموعي تقعد تنزل بدون صوت من كلامه ويبغاني ابوس راسه واحب يده في كل مرة واقول له سامحني انا الغلطانه
يابنات والله والله والله اني فقدت لذة الحياة واني امثل المحبة عليه  واجامله وكل ماقال سي اقول صح ولاعاد احب اناقشه مع اني كنت مؤمنه بمبدا النقاش لكن كرهته والله مااتنفس الا اذا خرج واقول في نفسي ليت يصير عليه حادث ويموت 
يضرب ولدي اذا بكى يبغى شيء يقعد يضربه واقسم بالله ولدي يطالع فيني ويصيح وانا مااقدر اشيله من يد ابوه واقعد ابكي انا معه لين يفكه  بعدين يقول ليتني ماضربته وخلاص ماعاد بضربه وفي كل مرة نفس الكررررة--انا نفسيا احس اني منهارة 
كرهت شوفته لما يجي اشيل همه اقول يارب مت  يروح
والله والله ان الكل يمدح فيني زميلاتي يقولون ياهنا زوجك فيك لاني طيبه بالحيل وعلى نياتي وكنت ابغى ابني اسرة سعيدة --رحت المستشفى تنومت مع ولدي يروح يسال الممرضة من وراي يقول المدام وين تروح لما اروح انا؟ جات قالت لي وخليتها في نفسي وماقلت له
اشياء واحداث اعجز عن كتابتها من كثرها وانا تعبت والله تعبت لدرجة اني كتبت الموضوع وانا كنت احاول اتغاضى واسكت واتحمل واصبر لكن فاض بي الكيل
تنصحوني اطلب الطلاق واعيش حريتي على حساب عيالي لانه قال ماراح اخلي العيال معك انت وأبو ك و))يكره ابوي لانه احسن منن وارفع منه قدر ويحاول يقلل من شان ابوي عندي ())
ولا اصبر معه ولا اش اسوي ---ولاتقولون ادخل احد بينا لانه اذا دخل احد وكلمه بيقول انت خاينه وتطلعين اسرارك الزوجية وماتحفظين بيتك ووووووو الخ وبترجع علي انا 
ودايم يقول الوحدة لو يتوطأ رجالها ببطنها ويحط رجله على رقبتها تقوم وتحب راسه وتستسمح منه!!! اش رايكم 
اقسم بالله اني اعتصر من الالم 
اسفه طولت عليكم اعطوني نصايحكم او دعواتكم ولاحول ولاقوة الا بالله العلي العظيم سبحانك اللهم بحمدك اشهد ان لا اله الا انت استغفرك واتوب اليك