تعبت الله يخليكم ساعدوني

قبل أي شي أحب أسلم عليكم يابنات منتدى عالم حواء صحيح إني أول مرة أشارك لكني يوميا أدخل المنتدى وأستفدت كثير من ارائكم وتجاربكم لكني احترت كثييييير في بنتي وماني عارفه اش اسوي معاها خصوصا إني بكرية بنتي الان عمرها ثلاث شهور وعشرين يوم كانت في فترة الأربعين مريحتني بس ترضع وتنام وبعدها بدأت المعاناة صارت بس تبكي وماتخليني أقدر أسوي شغلي في البيت بس شايلتها وماترضى تنام إلا إذا نمت جنبها وقبل يومين كان عندها كحة خفيفة وديتها المستشفى وأعطتها دواء للكحة قالت عندها احتقان بسيط وطلبت مني تحليل للبراز وطلع عندها بكتيريا وأعطتني أوغمانتين والحين ماهي راضية تنام يادوب تنام دقيقة وتكح وتصحى خصوصاان الكحة زادت عليها وإذا رضعتها تتألم وترجع تبكي احترت معاها أفيدوني باقتراحاتكم أملي فيكم بعد الله كبييير