تعبت بدي احكي

        السﻻم عليكم
أنا في الغربة وحيدة. أهلي مو معي ساكنة مع بيت حمايي وأنا وياهم مو خلطة مافي تجانس  وزوجي حالته المادية ع قدها بس أنا رح طق مليت صرلي 3 سنين متزوجة وﻻ عشت أبسط اﻷحﻻم يلي بتمناها كنت صبر حالي وقول معلش اﻻ مايتغير حالي ومريت بمشاكل كتير مع اهله وكلها بسبب تدخلهن فيني بكل كبيرة وصغيرة بلروحة بالجية بالبسة حتى الحكي بس الحمد لله تعديت جزء كبير من  هالمرحلة بس لسه عندهم فصول. بس رح طق من هالعيشة يلي عايشتها .بفيق بشتغل منفطر بحضر غدا واخر شي بنام روتين قاتل وممل. كل اﻻوقات اعدة بغرفتي لحالي  مليت  من الوحدة ومن الروتين يلي عايشة فيه دون ماحبه ﻻفيني اشتري يلي بتمناه وجيب او اعمل رفاهيات وﻻ اهلي موجودين وﻻالي حدى غير رب العالمين ومو باين امتى برجع ع بلدي طيب وبعدين والله حاسة الدنيا كلها مالي موجودة فيها متل هالناس كل مابيجي الليل مابحب نام تصوروا لوين كرهانة عيشتي مابعرف ليش والله شي بيقهر تكوني مدايقة وماتقدري تطلعي من الحالة يلي انت فيها عم حاول بس كله كذب بس لكمل يومي وكمل حياتي بضحك كذب بحكي مو من قلبي باكل ﻻقدر استمر حاسة انه الفرح انا مو من اهله مع انه حياتي قبل الزواج  كانت كلها ضحك ومزح وكان الي صديقات وكنت عم ادرس وروح مشاوير مع رفقاتي ونجتمع عند بعض بس أه من هالحال يلي وصلتله 
طولت عليكم بس حبيت أفضفض حاسة هموم الدنيا كلها بقلبي ياريت لو حدى كﻻمه  طيب وعنده أفكار ممكن تساعدني يحكيها وبشكر مشاركتكم