تعبت تعبت تعبت مخنووووقه

السلام عليكم
اكتب لكم وانا مخنوقه وضايقه فيني الوسيعه
انا لما دخلت الجامعه كانت معي صديقتي من الثانوي كنا صديقات مره بس انا دخلت تخصص وهي تخصص ثاني وصرنا مانتقابل كثير لأن اوقات البريك مختلفه عن بعض،انا صار لي صديقات بنفس تخصصي وقويت علاقتي فيهم وصاروا اقرب لي من صديقة الثانوي . وهي كذلك صار عندها صداقات بس صداقاتها محدووده جداً جداً بحكم انها مو اجتماعيه.
ومع ذلك استمرت علاقتنا ونتقابل قد مانقدر بس طبعاً أخف من اول بكثير ، حتى وصلنا الى انه بأوقات البريك نشوف بعض ونسلم وانا اروح مع صديقاتي وهي تروح مع صديقتها ، بس والله كان في عيونها عتب ونظراتها كانت مستفزه وتحمل حسد وانا فاهمتها لكن خلاص وضعنا اختلف وبصراحه البنات اللي معي بتخصصي صاروا اقرب منها .


استمريت سنتين على هالحال وبالسنه الثالثه فجأه فقدت كل صديقاتي والله بدون مبالغه ... اللي صارت تصرفني واللي تركت الجامعه. واللي راحت مع بنات ثانيات ، والله بعد ماكانت علاقاتي بالهبل صرت اجلس لحالي ع الدرج وارجع البيت ابكي من الوحده ......


الحين انا متخرجه من الجامعه صار لي ٨ سنوات
تزوجت وجبت اطفال ولازلت على نفس الحال ...
الكل يروح من يدي ... اقسم بالله حتى قريباتي قاطعوني. واذا قابلتهم يسلمون علي ويمشون بعد ماكانت علاقاتنا قويه لدرجه كبيره جدا جداً. ماعدا كم وحده من قريباتي الله يديمهم لا زالوا يواصلوني


دخلت بنتي المدرسه ورحت معاها كان فيه امهات كثير والله بنفسهم جو وتعرفوا علي واخذوا رقمي مع السوالف اسبوع اسبوعين ويقطعوني ، اواصلهم ع الجوال ويكلموني واذا اواعدتهم صرفوني
اللي استغربه انهم كلهم اول ماتعرفوا علي قالوا احنا فاقدين الزيارات وفاقدين الجيران ونبي نتعرف وماحد يتعرف يعني من هالسوالف وانهم طفشانين ومالهم احد ، وبعد مانسولف ونرتاح لبعض فتره ويقطعوني


وحده بس هي اللي صارت تطلع معي وبعدها قطعت
قرايبي مشغولين دائما ، ينادوني احيانا بالمناسبات الكبيره
في الويكند زوجي ينشغل احاول اكلم بناتهم اللي من سني وكمان يصرفوني
والمشكله اذا تقابلنا بمناسبه كبيره دايم اسمع عبارة وينك مانشوفك مانسمع عنك ، يدارون تصريفاتهم لي .
نفسهم قرايبي هذول قبل ما اتزوج اقسم بالله يركضون وراي ركض يكلموني يواصلوني يعشقون اني اجي عندهم حتى انه امهاتهم كانوا يلاحظون هالشي ويقولون لي الكل يحبك وبناتنا يحبونك


الحين بعد ماتزوجت اذا شافوني سلموا علي كيفك ايش اخبارك ويروحون حتى في نفس المناسبه يجلسون لحالهم وانا لحالي
في وحده من المناسبات تجرأت ورحت جلست معاهم اقسم بالله كلهم تظاهروا بالانشغال وقاموا من الطاوله ماعدا وحده جلست مجامله واول ماجات الثانيه قامت الاولى بسرعه وراحت
وقتها انا قمت وانا مخنووووقه ورحت جلست على طاولة خالتي ورجعت البيت مخنوووقه
ساعات أحس انه حولي هاله من السواد تبعد الناس عني
احس فيه شي ينفرهم مني
مو معقول كل هذي صدف
ومع ذلك مثل ماقلت فيه كم وحده من قريباتي الله يجبر بخاطرهم لا زالوا يواصلوني ويحبوني بس عددهم قليل مقارنه بصداقاتي قبل


ملاحظه مهمه
انا متواضعه جدا جدا يشهد الله ، لا تظنون من كلامي اني شايفه نفسي بعلاقاتي السابقه بالعكس انا ذكرتها عشان اشرح وضعي،
اجتماعيه واحب الناس وكم مره سمعت من ناس ان جلستي وسوالفي حلوه ، في كل شي اذكر الله واقول ماشاء الله تبارك الله في كل شي يقولونه لي او اذا جيت اسلم على اطفالهم ، اساعدهم مستحيل احط رجل على رجل في بيوت الناس ، واللي امون عليهم ادخل المطبخ بعد ما اعطي خبر لصاحبة البيت ، احب اساعد بشكل مو طبيعي حتى للناس الغرباء أي موقف يصير قدامي على طول اساعد بشرط انه مايكون مع الحرمه رجال ، أي حد يسألني عن شي ابحث له واجيب له كل اللي يبي
ملاحظه مهمه
كل الناس اللي ذكرتهم يقاطعوني اكون كلمتهم مرتين فقط واذا صرفوني مرتين مستحيل ارجع اكلمهم ، يعني ما اذل نفسي لأحد ولا اقط وجهي على احد


كلامي ملخبط مخنوقه حتى ما اقدر ابكي مصدومه من الناس ، تعبت والله العظيم ، انا مشغوله بنفسي واشغل نفسي بأشياء مفيده وكويسه عشان لاحد يقول لي اشغلي نفسك ، بس مهما كان والله الوحده ماتقدر تعيش بدون ناس تسولف وتفضفض وتغير جو ، اهلي بعيد عني على فكره ،
م