تعبت تعبت تعبت من زوجي

السلام عليكم بالبدايه اللي رح تجرح وتسب الله يشغلها بنفسها ، انا متزوجه لي كم سنه من اول شهر بزواجنا لاحظت زوجي فجأه يقول بطلع مشوار ساعه واجي، استمر على هالحال فتره طويله وهو كل يومين ثلاثه يقول بروح ساعه وبجي ، اذا قال ساعه عرفت انه بيروح نفس المكان ، المهم بعد مرور سنه تقريبا كنا متمشكلين واعذروني ياقراء على جرأتي بس عن جد انا تعبت من وضعي وابي ارتاح ، المهم كان يبغى يستفزني ف قال لي والله انا اليوم ××× مرتين ، انا انصدمت قلت له كيف قال مو شغلك وبعدين قال انه سوى ال ×××× ، ومن يومها وانا صرت الاحظ خرجاته ولما يرجع يدخل يتروش ويرمي ملابسه على ارض الحمام ويعبيها ماي ويقول لي بالغلط غرقتها ، عرفت انه فيه شي يحاول يخفيه ، صرت ادقق بملابسه لأنه احيان مايغرقها والاحظ آثار انه مسوي ال××× الآثار متأكده منها 100٪‏ سكت كم مره وبعد كذا واجهته ووريته ملابسه قام يقول كنت اشرب وكبيت على نفسي وكل مره يطلع لي عذر وانا مو غبيه واكيد كل متزوجه تعرف الشي ذا ، ما ابغى اشوف بالردود وحده تقول لي متعيه في البيت واستنفذي طاقته الجنسيه ، لأنه اصلا مشكلته هذي ادمان ، حتى لو اخذ حقه الشرعي رح يمارس ××× لأنها مرض ، المهم اني حاولت احل المشكله بأكثر من طريقه ومافاد فيه شي . مافي زوجه ترضى انها تكون عفيفه وشريفه وتربي عيالها وتخدم زوجها وتترك بيت اهلها وبعدين تجي تعيش مع واحد يخونها وياعالم كيف يخونها ، اشك انه يشوف اشياء اباحيه ، المشكله انه ينكر ويكبر السالفه لو قلت له وين رحت ويتضايق مرره من سؤالي مع اني اسئله بطريقه غير مباشره ، اللي بتقول لي طنشيه ولا تدققين صدقيني لو انتي في مكاني مارح تقدرين تتحملين تعيشين معاه ،أحس اني مو قادره أخلص له ،، رح اختصر موضوعي في نقاط وملاحظات
1/عصبي وانفعالي وحصلت مواقف ضربني وضرب اطفالي ، هالشي خلاني اشك انه يتعاطى لأنه احيان يرجع وعيونه حمراء ، بالصدفه عرفت ان اخوه مرت فتره تعاطى فيها ، المنطقه اللي احنا ساكنين فيها يحصل فيها ترويج مخدرات ، راتبه مرتفع ويروح بسرعه مع العلم ان بيتي بدون اثاث وفلوسه مدري وين تروح
2/يروح للنادي باستمرار واكثر شي يمارسه السباحه
3/مرتين شفت في جواله اشياء مخله ، مره صور اباحيه ، ومرتين مقاطع ماصخه
4/متعرض لعنف أسري في مراهقته ، غامض ويخفي عني اشياء كثير
5/دايم واحنا جالسين بالبيت فجأه يقول بدخل شوي ، ويدخل غرفه ويقفل على نفسه ومعاه جواله
6/ينام لحاله من حوالي سنتين عشان عندي اطفال صغار ويزعجونه بالليل وماخذها حجه
7/لما يطلع من البيت عشان يسويها اعرفه لما يتأخر يتحجج باعذار غبيه ، احيان يقول بروح احلق ويروح يقعد ساعه ونص ، واحيان يقول بروح اغسل السياره ويتأخر وثاني يوم اشوف السياره وصخه واسأله ماغسلتها امس !! ويتورط يسكت ، دايم اذا بيروح لهالمشوار يكون لابس جلابيه
مره دخل للغرفه وقفل على نفسه بعدين طلع متوتر وصوته مبحوح وقال بروح مشوار وبجي
يووووميا لازم يطلع من البيت مع انه يكون عندنا نواقص بس مايطلعنا ويقول بروح ساعه وبجي ويروح يجلس ساعتين ثلاثه وربي ، انا اتعب واتضايق مرره ، احيان اشك انه متزوج مسيار ، واذا قلت له وينك يقول لا تسألين عندي شغله، عندي مشوار ، وش هالمشاوير اليوميه طفشششت منه تعببت دايم متضايقه أي وحده بمكاني مابتكون مرتاحه وزوجها اغلب وقته برا البيت ، والله وصلت فيني اني ادعي ربي انه يفضحه قدامي عشان يبطل من الاشياء اللي يسويها
وبالنهايه غرضي من طرح موضوعي بهالتفاصيل ابغى الناس الفاهمه يفتوني في أمري ايش ممكن يكون يسوي زوجي !! هل ممكن يكون يتعاطى !! او فقط يمارس ال××× !! لو يمارس كيف يمارسها بالسياره والا في مكان مثل شقه او غيرها
انا اسفه طولت عليكم بس لأني من جد تعبت من هالحاله شكلي صار اكبر من سني من الهم واتمنى ماتجيني وحده تقول انتي موسوسه وشكاكه لأنه أي زوجه بتشوف زوجها حركاته مريبه اكيد رح تفتح عينها عليه وهو ينكر انه يسويها