تعبت تعبت ساااااااااعدوني !!!

الله يكون في عونك
استغفري الله وايد وايد وايد (استغفر الله واتوب إليه )
وأذكري الله وايد
كوني على ضوء طول الوقت
كل ما شفتية قولي الله ينور بصيرتك وبصيرتي

حبيبتي دموعك غاليه احيان السكوت ارحم وحيان الحكي تعب مالك الا تجلسي معه جلسه حاسمه لتصرفاته مره مثل مره واقنعيه بهدوء لاتتفاعلي معه وخليك رايقه ويفضل انتي وهوا لوحدكم ولاتتنازلي عن حق من حقوقك وحاولي طلباتك مجابه انا من وجهت نظري
زي ما يخفس بشي يعوض بشي تقبلي رائي

جزاكم الله خير

السلام عليكم
زي ماقلتي ياأختي ماتفرق..إن خرجتي بيقول فكة وان قعدتي بتملين وهو مافكر
مافي ياأختي مثل الصراحة بين الزوجين
كلميه وقولي له أنا أولى من أصحابك
صحيح موواجب عليك توديني العمره ولا الحج ولكن انت ملتزم والمفروض انك تدور الأجر وديني ولك الأجر وخيركم خيركم لأهله..وان كنت تحبني بتكون حريص على الخير لي
ومن ناحية الطلعات سوي معاه جدول يومي أو أسبوعي مثلا يروح عمله الصباح وفي العصر يخلص أشغاله وبعد المغرب أو العشاء لك ولعيالك ويخصص يوم الخميس من أوله لك ولعيالك تخرجون منتزهات أو تسوق صدقيني ترتاحين ويرتاح
أنا وزوجي مسوين كذا والحمدلله مرتاحة
قولي له انت مسؤول عني وعن عيالك واسأليه كيف يطاوعه قلبه يسافر ويستانس ويوسع صدره وانتي وعيالك في البيت متضايقين وطفشانين خل يفكر فيك ويترك عنه هالأنانية وخليك جدية في كلامك لاتطنشي وان حسيتي انك بتبكين ابكي ولاتكتمين في نفسك وخل يحس قد إيش الموضوع مأثر فيك ومضايقك..أسأل الله أن يسخر زوجك لك وزوجي لي آآآآآآآآآآآآمين

ام العفايف للاسف كم قعدنا وكم تفاهمنا وكم بينت له ان هالموضوع مأثر علي ماخليت شي ما سويته زعل زعلت تطنيش كل اللي قلتيه ما فاد هذا انسان اناني للاسف ما يشوف الا مصلحته وبس قبل لما كنا تونا متزوجين انكد عليه عيشته وابوز واخليه غصب ينفذ اللي ابغيه بس لين متى بستعمل هالشي تعبت يختي ومليت واحس الشي اذا ما جا من الخاطر وبطيب نفس ماله طعم ولا معنى !!!!

انا افكر اليوم اقعد معاه وهو على فكره حس فيني لاني متغيره واااااااايد حتى اليوم بيجونه ناس على العشا وبالعاده عمري ما رديت له ضيف ولا طلب استقبل ضيوفه باحسن الاكل والحلويات وابيض وجهه بس اليوم قلت له انا تعبانه وودي الذبايح المطعم هو استغرب وعصب وبعدين قلت له اوكي جيبهم الخدامات بيطبخن طبعا مو مصدق اني بخلي الخدامات يطبخن العشا بس انا مصره وحلفت ما المس العشا وعشان يحس اني لحم ودم مش حيوانه وانتو بكرامه حمارة مكده اي شي اسويه تعبانه مريضه مشغوله كله واحد انفذ بطيب نيه