وانتي وينج طول فترة الخطوبة والملجة ما عرفتي تسألينه شنو متوقع منج وشلون بتكون حياتكم
خاطري اعرف شتسولفون فيه اذا ابسط الامور عن بعض ما تعرفونها معقولة يعني تتزوجين واحد ماتعرفين شنو منتظر منج من واجبات وشنو بيعطيج كحقوق !!!!!!!
وتقولين مب قادرة تتحملين ولا قادرة تتطلقين ما فهمت يعني نروح نقنعه لج مثلا والا نسوي لكم سحر عند ام عباس عشان يصير خاتم فصبعج؟ ترى دايما الحل انج تكملين وتتحملين وتتقبلين او تنفصلين لان مالج سلطة عليه ولا تقدرين تتحكمين فيه ولا تربينه من اول وجديد ولا تعيدين برمجة مخه وقناعاته
ودام انتي اللي اخترتي توافقين على شخص ما سألتيه عن الامور اللي تمنيتيها ورضيتي تتزوجينه تقبلي واقعج وخلج قد مسؤولية اختيارج وركزي على ال 60 اللي تتكلمين عنها ولا تقارنين نفسج بهلج لان ماذبح الناس الا المقارنات
وانتي وينج طول فترة الخطوبة والملجة ما عرفتي تسألينه شنو متوقع منج وشلون بتكون حياتكم
خاطري اعرف...
وقالوا لك الناس تقدرين تعيشين بقرية قلتي عادي اهم شي الرجال
والرجال ابن بيئته
انا اللي مستغربة منه هو شلون تزوج بنت مدينة وبيئتها غير بيئته
ترى حتى هو غلطان
ومالك الا انك تتأقلمين غصب دام انك حامل
والله يكون بعونك
وادعي الله ان ييسر لك امرك
وبصراحة اشوف حياته هي الصح وهي الاساس
يعني الخروج للسوق افضل يكون معاك مو لوحدك بهالزمن الصعب
والتصوير ما جاب للناس الا الهم والحسد
وزيارة الصديقات احسن لك تختصرينها
او مع الزمن ممكن يتغير
وترى الحياة اكبر من كوفيهات ومطاعم
ولا تقارني حياتك الحين بحياتك قبل
قارني باللي اقل منك
باللي زوجها سكران ولا ياخذ مخدرات ولا يضربها
انتي حالك احسن من غيرك
واحمدي الله في كل الاحوال