اختي الكريمه
كل مشكلتك السابقة انتهت واصبحت من الماضي

وتقولين زوجك تاب

من اجل نفسك
من اجل صحتك
ومن اجل زوجك
من اجل استمراحياتك

ومن اجل ابنتك
من اجل تربيتها في بئيه سليمه

انسى مامضي لانه ماضي وركزي على الحاضر
وادعي الله ان يثبت زوجك
استبدلي اشرطه الاغاني في سيارة زوجك باشرطه اسلاميه
حثيه وحثي نفسك على حفظ القران التحقوا بدورات لحفظه

ان اردت حياه سعيده فوضي امرك لله وانسي ماحصل لان تذكره لن ينفعك لكن استفيدي من الماضي كخبره سابقة قد تنفعك ....

لست ادرى لماذا الاخوه والاخوات يحاولون اعاده الحديث عن ماحصل من زوجك مع ان كل شئ انتهي ...

انا ما عندي حل لمشكلتك لكن قريت كلامج وتخيلت نفسي مكانج حسيت اني بموت قبل يومي والله الخيانه مالها عذر بس ممكن اسالج سؤال؟انتى ليش صبرتي؟عشان شووو؟؟هل لج ماضي مع احد خلاج تسكتين على افعال زوجك؟؟اسفه على اسالتي بس الرجل لو ما نوقفه عند حده من اول مره يتعود عليها بعيدن وتصير المساله عادي...انا ما بقولج سوي كذا وسوي كذا بس والله لو مكانج كان قلبت الدنيا فوق راسه لو انا غلطت ما راح يسامحني ولو هوه غلط نحن نسامح ونقول نزوه او زله ...مره ثانيه اقولج اسفه شكلي انفعلت وايد مع السالفه....اعذريني:24:

أختي ...

انت صدمت صدمة قويييييييييييييية وفي بداية زواجك ..... ولم يكفه حبه لحبيبته الأولى ... بل انه تعرف الى فتيات أخريات في نفس الوقت ...
و الغريب انك في كلهالمراحل سكتي ..
و الآن بعد انتهاء المشكلة .. محتاجة تفضفضين ؟؟؟؟؟؟؟

تعرفين ليش ؟؟
لأنك قبل كنت في مرحلة تحدي مع الفتاة الثانية ... لابد كنت متعبة جدا من الناحية النفسية .. ولا أحد يلومك ..

أما الآن ... فما بقي هو ذكريات التجربة المريرة ...
تحتاجين الى وقت طووووووووووووووووووويل ... كي تهدأ نفسك ..
و اعلمي أنه في كل مشكلة أو موقف سوف تنزوين .. وتبكين و أنت تتذكرين جرحه لك .. و صبرك عليه ...

الموضوع بالتأكيد سيترك شرخا لن يزول .......

اعتقد انك الآن تحتاجين الى جلسة مصارحة ... من نوع آخر ... بيني انك تحتاجين لنوع من التعويض النفسي
تحتاجين للمزيد من الرعاية و الحنان و التنازل من قبله على أمور كثيرة ... كي لا ينكأ جرحا لم ولن يبرأ ...

قولي له : عفوا يا زوجي .. كله آسف لا تكفي

وخاما اقول لك .. اعانك الله .. ليست كل امرأة قادرة على فعل ما قمت به

أنا أحس ان استدراجك وكلامك مع هذي البنت والتروي كان قممة العقل .. فعلا زي ماقلتي ، اكتشفتي أشياء وصار عندك ثقة باتهامك له ، وحدة غيرك كان طربقت الدنيا من أول مكالمة بدون وعي وبهستيريا ، وشوفي عاد ردة فعل الزوج اللي بينكر طبعاً وبيقهرك زود لمايقول شكيتي فيني من كلام وحدة على التليفون ؟
بصراحة أغبطك على هدوءك وبرودتك .. أما الغلطات اللي سويتيها هو إعطاءك رقم تلفونه لها + سكوتك لما طلب منها السفر معه لأن هذي المفروض كانت القشة اللي قصمت ظهر البعير وبعدين وش أكثر من كذا تنتظرين ومحد بيحرق أعصابه غيرك للاسف ، وكانت فرصتك لكشف أوراقه كأنك"مسكتيه متلبس" وساعتها كان فعلاً ممكن تعطينه الجزاء الرادع لما تكشفين لأهلك أو حتى أهله هالخيانة اللي كان بيسويها والكل بيوقف ضده لأن هذا شي مايرضاه عاقل( يعني كانت فرصة جيدة لو كان بنيتك الانتظار ثم الانتقام مثلما فهمت )

أما الحين .. لو كان بإمكانك توقفين موقف قوي مثل انك تطلبين منه قضاء كم يوم في بيت أهلك من غير محد يحس بمشكلة وقولي له انك تحتاجين فترة للنقاهة من هالصدمة وللتفكير في الي صار وحسسيه بعظم فعلته وبرضه عظم صنيعك وتضحيتك إلخ إلخ
هذا كله بس عشان مايستسهل اللي صار ويعرف حجم خطأه ولا يستغرب من ردة فعلك الهادئة قياساً إلى ردة فعل وحدة ثانية ( من غير شخصيتك ) في نفس الموقف

كذا أحسن من لاشيء .. وبرضه من ردة فعله خلال جلوسك هناك وإحساسه بقيمتك في حياته ( خصوصاً انك كنتي مهتمة - ماشاءالله - وحريصة على بيتك و عليه وتتصلين فيه دائماً ) .. بتعرفين وبتقطعين الشك باليقين : هل يحبك بالشكل اللي تتمنين أو لأ ،،، هل نسى حركاته الأولى أو لأ ،،،،
ولو اني أعتقد ..
انه نساها وتاب :)

مشكوره اختي

Rose Twin

عندما كلمتني البنت في البدايه لم اسمع كلامها وربي قطعت المكالمه

واتصلت مره ولم ارد ولكن اتصلت بعد نصف ساعة تقريبا وما اعتقدت انها هي

والله سبحانه عقد لساني وجلست مستمعه ما مصدقه اللي اسمعه كأني في حلم (كابوس) وهي تتكلم

وانا اسمع والله ما تخيلت او فكرت ان زوجي لعوب لانه مثل ما قلت انه منبهر في وفرحان كثير بي

ولانه في بدأية زواجنا كان يتكلم عن نفسه ويقول انه ما يحب البنات وانا لحظت هذا الشيء

يمكن لاني عميانه وما اعرف عنه شيء ولانه في ذيك الفترة مهتم فيني كثير العالم الله

اختي مو طيبه مني اني اسمعها في هذه المواضيع ما تدخل الطيبه لكن الله الهمني اني اكون حكيمه

وصدقيني انا طبعي حساسه واي شيء يضايقني بس في هذا الوضوع سبحان الله تحكمت وجلست اراقب تحركات زوجي

مش مسائله مراقبه لا ولكن ساعات اشوف تلفونه وساعات يتحجج انه رايح الكراج لاصلاح سيارته وانا

كنت اشك انه يروح يقابلها بس مجرد شك هي ما اخبرتني انه يشوفها لكن قالت لي مره

هي اتصلت به لكي يروح معها الكراج لاصلاح سيارتها وكان اخوها معها وشوفوا عائلة البنت

تقريبا الكل يدري انها تكلم زوجي قبل زواجه لكن ما يعرفوا انهم كانوا مخططين للزواج

فقط اختها هي التي تعرف عن علاقتها مع زوجي وكانت تزور اهل زوجي لان ابوه مطلق امه

وتزور بيت ابوه وتداخلت مع عائلة زوجي وهي مره قالت لي اها مره كلمت امه لكن تقول

انها لم ترتاح مع امه وترتاح مع عائله ابوه اكثر لان عائلة ابوه متفتحه

اختي صحيح انا سكتت عن زوجي لاني اعرف انه فقط يلعب معها بس حبيت اعرف الى اين يريد يوصل

واعرف انها نزوه وبتعدي لكن اللي قاهرني انه مهتم بها اكثر مني ويتصل بها اكثر مني

مش فقط ايام سفره حتى عندما يوصل الوطن يتصل بها مثلا انا اجلس بيت اهلي اسبوع

فقط اتصال واحد في الاسبوع وانا كل يوم اتصل به مش عشان شيء فقط كنت ابيه يستحي من افعاله اللي يسويها

ويجلس مع نفسه ويراجع حساباته ويقول لنفسه ليش زوجتي دائما سباقه للخير وليش انا ما اهتم فيها

وكنت ابين له اني كريمه ومهتمه به وكنت انقزه بكلام انت ليش ما تتصل بي اعرف انك تتصل بالكل

هو ما يعرف مغزاي يفكر اني اقصد اهله واصحابه والله من القهر وحرقة قلبي كرهت الطلعه

فقط كنت اطلع معه وساعات انا اطلب الطلعه لكي املا حياته وما اخليه يفكر فيها

اختي صح تمادى وسوى علاقه ثانيه لكن متى عندما لقى صد من حبيبته وانها ما وافقت تروح معه

بعلاقته مع الثانيه صارحته قبل لاصارحه بحبيبته وارسلت له رساله بيميله وكتبت كل اللي شفته بيميله

ويا ليتني ما صارحته الين ما اكشف مراده وبيكون ردي قوي ساعتها اما الرسائل الغراميه

والماسنجر وبعد كان يتكلم مع البنت الاجنبيه بالموبايل ومخزن موبايلها بالماسنجر

تعرفي وش كانت رده فعله اتصل بي ثاني يوم يعععتذر ويقول لي ان هذه البنت هو ما يعرفها

وانها صديقه صاحبه اخواتي هذا كلام يدخل العقل والله انه شخص مراوغ وعنده اسلوب دها ومكر


اختي هذه الفقره اريد اعقب عليها


مثل يوم اتصل القيرل فريند وقالها سافري معي وهي بكل بجاحة قالتلك ،،وانتي ماحركتي ساكن؟؟؟ رفض

سفرك؟؟ وطالب بسفرها هي؟؟ لو مكانك اعتبرها اهانه وآخر مابيني وبينه ..


اعرف انه جريء وطلب من حبيبته انها تسافر معه وهي رفضت لكن تعرفي انها كبرت بعيني هذه البنت

تعرفي وش اللي قالته لي يا فلانه انتبهي واحسن انك تسافري مع زوجك لاني اعرف انه بيخونك او انه بيوقع بالخطيئه

استغرب لسؤالها وقالت لي انه طلب منها انها تسافر معه والله يا اخواتي ما تعرفن وش اللي صار لي ساعتها

صبرت على كل شيء اتصاله لها واهتمامه بها لكن توصل السالفه لهذه الدرجه حسيت ان الدم يتدفق بسرعه

وبعد ما انهت المكالمه اشتريت بطاقه واتصلت لزوجي وانا ابكي وكنت ساعتها اريد اخبره بكل شيء ما قدرت اتحمل

فقط اللي قلته فلان سفرني معك قصبا ولازم اروح معك ما اعرف ليش اسكت عندما اريد اواجه

يمكن رب العالمين يصبرني عشان ما اتسرع بالقرار والله ما اععرف ليش انا صبرت على بلوه كبيره

وهذه النقطه اللي حارقه قلبي بشده واتمنى لو انسى كل شيء واكون عمياء افضل اجلس مع نفسي

واكلم نفسي انا وشو مقصره معه هل شايف انها احلى مني هل يقيس الجمال ما يعرف ان الله خلق الناس كلهم

فيهم ميزات للجمال مو كل الناس جمالهم متساوي وهو دائما يقول انه يحب الانف الصغير و الجسم الضعيف

انا جسمي متوسط ومتناسق وطويله وهي نحيفه وقصيره وبيضاء وووووووو الخ

اه والله قهر فقط اتمنى انسى الماضي لكن ما اقدر ما اعرف ليش يمكن لانه اهان كرامتي

واستغفلني رغم انه تحسن بعد ما واجهته وتغير لكن احس انه يفعل اي شيء لي رغم عنه وقصب

مو برضاه واعرف انه حاس بالذنب الله يهديه ويهدينا جميع


اريد اعقب لاكلامك في هذه النقطه

بصراحة صعب جدا ،، انك كنتي دارية وسكتي ،، وبرضوا لما قلتي له انك دارية سكتي وما أخذتي موقف .. صعب

انك بتجين وبتقولين لازم تضع حد لهالمهزلة؟


كلامك صحيح 100% وما فيه غبار لكن اي موقف اخذه معه اذا اخبرت اهلي اكيد بيصير طلاق

انا ما اهتم بنفسي لكن اهتم ببنتي وكيف بتعيش انا قلت في رسالتي ان مره صارت في مشكله بسيطه

وتدخلوا الاهل كان بتوصل للطلاق لكني احسمت الامر واظهرت اني انا المذنبه رغم اني لم افعل شيء

وتنازلت وذهبت معه ومن يومها ما كان يحترمني لاني طيبه وغبيه بنفس الوقت وكنت مهتمه به بزياده

واسوي المستحيل لارضيه واترتب واسوي حركات رومانسيه لكن هو كان عميان ما يشوف غير حبيبته

واني خلصت صرت قديمه وصرت مركونه بالهامش صدق من قال حب الازواج غير عن حب العشاق


جزاك الله خير اختي