تعبت تكفون دخلو ساعدوني

مرحبا خووواتي

الله العالم اني ارتاح لمن اشكي لكم
بشهري التاسع كتبت موضووع اني اكتشفت ان زوجي يخوني وانصدمت فيه لاني كنت واثقة فيه وقررت اني ما افاتحة بالموضووع الا لمن اولد وفعلا ولدت وباليوم الثالث من ولادتي سافر ورحت دزيت له مسج بالايميل :

اني اكتشفت خيانته وجبت له كل الادله اللي تثبت خيانته عشان مايكون عنده عذر واني خلاص ماعاد ابيه واني كرهته ولا يمكن ارد احبه مثل اول ومابيه يدق على تلفوني ونكون طبيعيين بفترة نفاسي وبعد ما اخلص ورقتي تجييني وعلى طووول دز لي مسج على تلفوني يحلف انه مو هو ولا يعرف هالسوالف
تدرون وش المشكلة اني اكره ما اشوف على وجه الارض الزوج اللي يخون والكذب فما بالكم لو اجتمعت بزوجي (اكرهه يابنات وما اقدر اسامحه)واستمر اسبوعين وهو يحاول يقنعني انه ماهو هو
بالمسجات ولا اعطيه مجال ولا اكلمه وبعد ما جا الكويت جا على طووول لبيت اهلي وقعدت انا وياااه
وقعد يحلف انه مو هو وان رفيقة كان ياخذ اللاب توب منه وهكذا
المهم صدع راسي وهو يحلف وقلت له اوكي مسامحتك (وانا بقلبي اقول هين اخاف صج بسامحك )
بس تبون الصراحة لمن شفته يلاعب ولدي قلت يابنت صبري عشان عيالج وقلت له ارد معاك بعد نفاسي بس على شرط تحلف لي بالمصحف بحياة امك وابووك انك ماترد للخرابيط قال اوكي (لاحظو انه قال اوكي يعني هو مو رفيقة)الله على الرجال مالهم امان
الحين انا لراس المشكلة اني ماني قادرة اسامحه واكرهه من بعد ما كنت احبه ولا ادري وشلون بعيش معاه وقلت بحاول انسى اللي صار واطنش واعيش حياتي عادي يمكن ارد احبه (وان شاءالله )
لاني بصراحة تعبت نفسيتي تعبت لمن يجيني ويدق تلفونه ومايرد استخف واقعد اوسوس


يابنات تكفون اللي ابيه منكم انكم تدعووون لي ان الله يسخر لي زوجي ويجعلني قرة عين له ويجعله قرة عين لي ويجعلني ماء عينه ودم قلبة ودفء حياته ويبعد بنات الحرام عنه يارب
يمكن فيه وحده منكم دعوتها مستجابه الله يوفقها اللي ترد على ان كان بنصيحة استفيد منها او دعوة