تعبت دخت وسجلت بمنتدى ياباني عشان استفسر عن بودرة الكولاجين اللي جننتني

السلام عليكم ورحمة الله وبركاته


يابانات كلنا شاايف الضجه اللي صارت عن موضوع بودرة الكولاجين
طبعا بالبداية طحت بالصدفه على المووضع وعن موضوع اللي تكلمت اوبرا عنه وادهشني لاني داايم خاقه مع بشراتهم الله يجعل بشراتنا القق منهم قولو امين
المهم سويت بحث منا ومنا واغلب المواضيع للبيع والاستفسار وان وحده مدحته يا تكو مشاركاتها قليله جدا تبعث الريبه:35: او لسا ببداية استخدامه

انااا مابي اعرف هل هو مفيد .. مضر .. سعره .. ولااا عن شي
ابي اعرف بس هل فعلا اليابانيين يشربونه منذو صغرهم ؟؟؟؟؟
قلت ياربي شلووووون اعرف صرت اوسوس بالموضوع لدرجة شوي احجز لليابانان اروح اسالهم وارجع:mad:

سويت بحث عن المنتديات اليابانيه قلت يمكن اوصل لشي ويالله سجلت بحب الخشووووم خخخخ احس اني داخله دفتر رياضيات مربعات:icon33: عليهم لغه

وصدع راسي عجزت اضيف موضوع ياعالم كل شي عندهم غير عننا ههههه ابي بس اسال واستفسر عنه ماخليت شي الا رصيته وترجمته مالقيت اضافة موضوع رحت طبيت بموضوع وحده ياعميري مسوية بلوزة بالتيريكو وملبسته الله العالم انه ولدها والبنات هاتك يامدح وخشش على انجازها وتجي عمتكم دااعسه بسؤالها عن الكولاجين خخخخ مترجمه من العربي للياباني وجميع انواع الاعتذاررات والتأسف اني خاشه عرض وارسلت الرد
ورجعت اتاكد منن صحة الترجمه من الياباني للعربي لقته مو مفهوم شي وكني اتكلم عن الفصول الاربع:icon33:موضوع ثااني وخرابيط
رحت رديت بالاننقليزي واختصرته وهذاني احتري الرد واتوقع ان المشرفه بتشوتني ولا ماعندهم شوت ذالكيوتات اتوقع بتحط تحت كلامي خط بنكي يعني ترا ردها خارج عن الموضوع وفيس بنوته نعومه تشرب حليب فيه بودرة الكولاجين خخخخخخ


طيب معقول مافيكم وحده تعرف يابانية او ااحد باليابانان يستفسروووووون عنها هل فعلا هم يشربونها من زمااان يوميا الواحد صعب يخاطر ويصدق اي شي ينقاله على طول خاصة انهم يقولون الحائز على الجائزه افضل مبيعا بالعالم لهذين العاميين الاخيرين طيب مو هو منتج قديم؟ وراه توه اللي ياخذ جوائز:mad: