تعبت دورتي مانزلت للحين

السلام عليكم


بنات انا تعبت اخر دوره لي 9 شهر 3

وللحين مانزلت ولا احس باعراض الدوره يعني كنت دايم قبل الدوره باسبوع احس بالم ببطني يستمر اسبوع ويزيد اول يوم الدوره حيل


المهم للحين مانزلت الدوره


والاسبوع اللي فات صارت فيني حراره لدرجه قعدت بالفراش 5 ايام ووجهي تبهدل من حبوب الحراره اللي طلعت على شفايفي لدرجه شفايفي ورمت حيل


واللي غاثني يابنات لي فتره احس صدري صاير شوي كبير ويحكني وغير جذي لي فتره من ادش اغسل اشوف ملابسي الداخليه وايد ينزل علي سائل وريحته شوي مزعجه وكل شوي ابدل الداخلي وغير جذي الافرازات بيضه مثل الزبادي تنزل


واللي مخليني زهقانه من نفسي لمن اقعد من النوم طبعا اول ما افتح عيوني احس انه الغرفه تلف فيني وما اقدر اقوم من الفراش الا بعد ربع ساعه ومن اقوم احس اني ابي استفرغ


واللي مضايقني لمن اقعد من النوم زوجي يضحك علي يقولي شنو كنتي تتهاوشين مع احد اقوله ليه يقولي وجهك مورم حيل


وصج لمن شفت نفسي وخصوصا اليوم حيل مورم وجهي وخشمي احسه صاير غلط ووجهي احسه صاير يقشر لون ابيض يعني شلون الوحده تكون حاطه كريم اساس وبعدين يصير بقع جذي يصير وجهي اول ما اقعد من النوم


هذا طبعا غير عوار المعده اقول يمكن لاني جوعانه ولمن اكل يزيد العوار علي اقول لا برد وللحين ماعرفت شنو هل عوار


وزهقت صج صج زهقت وتبون الصج خايفه اسوي تحليل حتى لو تحليل منزلي خايفه اسوي


قلت انطر الى اخر الاسبوع نزلت خير وبركه مانزلت اروح اشوف سبب التاخير


بس بنات شنو تتوقعون؟؟؟


بنات ادعولي احمل والله متقطع قلبي على طفل لي 4 سنوات وللحين الله ماكتب لي الحمل مع انه كل فحوصاتي ويا زوجي سليمه وجيده جدا


تكفون ادعولي انه ماتنزل واكون حامل



يالله ترزق كل محروم وترزق كل وحده ترد علي موضوع


:04::04::04::04::32: