والله اني زيك احط الشيء وانساااه ..ومااتوقع انه من البنج لاني اولد طبيعي..اتوقع نقص فيتامين دال والله اعلم ..لاني حللت وطلع ناقص ومن اعراضه شدة النسيان..

أنا أنسى أذا جيت بنادي واحد من عيالي ناديت عيالي كلهم مع خوالهم لحد ماأجيب أسم ولدي اللي أبيه وأذا أبي شئ ينتظروني عيالي وأهلي وأنا أقول هذاك اللي أسمه اللي أسمه وش أسمه وهم يذكروني 😂 شكل السبب أكلنا مو مضببوط
أنتي روحي أكشفي وتطمني على نفسك بس الأكيد أنه شئ عادي حالك حالنا من ضغوطات الحياه

حللي عن فيتامين ب١٢ يقولون هو اللي يخليك تنسين وبس
استغفر الله عدد ماخلق استغفر الله ملء ماخلق

روحي طيب سوي اشاعه مقطعيه على الراس مو تقولين زوجك ضربك على راسك روحي وتاكدي وباذن الله مافيك الا العافيه بس عشان تتطمنين وترا كثرت الضغوطات والتفكير لها سبب الله يشرح صدرك ويكفيك همك وكلي ربي استودعنا الله فيك والله دايم تجين على بالي الله يجعلك من امرك يسر

اذا مريتي بضغوطات نفسيه ومشاكل وقلق وتوتر قوي هذا هو السبب الرئيسي

انا كنت اعيش ضغوطات وقلق واكتئاب ثم مريت بصدمه نفسيه قويه وصرت فجأه انسى كثير لدرجة اني اكون اتكلم مع شخص وفجأه اسكت كأن احد مسح ذاكرتي وانسى وش كنت اتكلم عنه وأي شي احطه بمكان انساه سواء فلوس جوال اغراض وبصعوبه اتذكر والموضوع صار مسبب لي قلق

الحل خففي عن نفسك الهموم والضغوطات وفوضي امرك الى الله وحاولي يومياً تطلعين تتمشين بسطح او حوش بيتكم مشي سريع وتنفسي قد ماتقدرين خلي جسمك يتخلص من الطاقه السلبيه والتوتر

واكثري من الاكل الصحي السلطات والورقيات الخضرا الطازجه بزيت الزيتون والفواكه والخضار والمكسرات تنشط ذاكرتك وتعوض نقص الفيتامينات والمعادن وتخلي جسمك يعادل مستوى القلويه

اما بخصوص فيتامين د الحمدلله متوفر بالصيدليات بس لازم تساعدين نفسك بتصحيح الاكل والمشي مع الشهيق والزفير عشان يتغذى جسمك بالاكسجين ويصعد للدماغ