تعبت كتير من حياتي

السلام عليكم و رحمة الله
بدي تعطوني ارائكم في موضوع مصيري
رح اجيبها من الاخر انا متزوجة و اتعرضت لخيانة زوجية الكترونية متكررة كثير ( عن طريق الفيس و الواتس و مكالمات) (منوع) مثل حال كتير من المتزوجات
في بداية اكتشافي للخيانه للمرة الاولى بعد سنة و نصف من زواجنا فقط تعرضت لانهيار و انصدمت صدمة قوية خاصة ان زوجي تعاملو طيب معي . صح هو مو رومانسي و ما يعطيني اهتمام حالو حال كثير من الرجال ولكن باقي الامور كان تمام فيها
المهم تكررت خيانته و تكرر اكتشافي اله في كل مرة
و داىما كان يحلف ويوعدني انه ما يرجع للسوالف هاي مره ثانيه ولكن مع الاسف كله حكي عشان ارضى بس
المهم بالاخير بطلت تفرق معي بس بنفس الوقت مش طايقه العيشه معو و مش قادرة اصبر اكثر و نفسيتي كل مالها لورى علما انه اخر خيانه كانت قبل شهرين او ثلاث تقريبا يعني صارلو 4 سنين على هالموال
نفسيتي المتعبة جدا و الاكتئاب الي حصلي اثر علي انا اولا و على اطفالي ثانيا و اكيد على زوجي كمان
وافكر حاليا بالانفصال لاجل مصلحة اطفالي و لاجلي انا
ارجو انه ما تبخلو علي بآرا0كم