تعبت ماادري انا سلبية او طبيعية

احيانا احس نفسي سلبية جدا عارفة نفسي ضعيفة وغبية وكل شئ اعديه وخصوصا لزوجي ممكن لاني عارفة ان مالي سند من اهلي ولاعزوة ومتأكدة مااحد بيوقف جنبي ويتحملني لاننا عيلة كل مين يالله نفسي وبس

يعني اول ماتزوجت دخلت الشقة لقيت كل الاثاث مستعمل اخت زوجي كانت مطلقة وعايشة بالشقة ولما تزوجت تركت الشقة باثاثها لاخوها.. تتوقعون اعترضت؟؟ لا زي الهبلة حتي امي لما زارتني وحست ان الاثاث قديم انكرت هذا الشئ ومابينت لها

بعد زواجنا باسبوعين كانت بنت الجيران تتصل عالبيت تبغي زوجي تقول انو ضاحك عليها وواعدها يتزوجها واخوات زوجي جو يكلموني بالموضوع تعاملت مع الموضوع وكأنه مايعنيني وماشكيت بزوجي ولا ثانية مع اني مالي اسبوعين اعرفه


بعد وفاة ابوي الله يرحمه طلع لنا فلوس واخوي اتصل قالي تبغين فلوسك او لا ماقدرت اقول ايوه خفت قلت لا ماابغاها خذها انت!!!

زوجي كان كل نزلة للسوق يقلبها نكد انتي مافي شئ يعجبك وانتي وانتي خلاص بلاش مشاكل مو لازم انزل السوق صرت ماعرف السوق الا بالمناسبات وياليت اخذ شئ يستاهل
كنت لازم كل يوم اطلع اتمشي مع زوجي بالسيارة ويسوي نفس اسطوانة النكد الحل عندي جاهز صرت مااطلع من البيت الا كل اسبوعين وازور امي بس!!

زوجي اتعود اني اصرف اموري ومااضغط عليه واني اتجنب اي صدام واحب اعيش بسلام بس احيانا تجيني حالة زي الان اكره عمري واحس اني ضالمة نفسي كثيييييييييييييييييييييييييييي ر ومضيعة شبابي وحياتي
زمان كان يستحي يقول لي لا تشترين بس لاني انا هبلة وقال ايش بوفر عليه واساعده ارضي اشتري القليل والرخيص واقوله القالب غالب واي شئ علي جسمي حلو .. صار الان ننزل السوق اذا عجبني شئ يقولي شوفي السعر!! كأنه قصده انتي من نفسك ارفضي تشترين خلاص عودتي نفسك

صرت ماالبس مااشتري ماادلع نفسي احس اني فقدت طعم الحياة وكل شئ عندي صار عادي وماله معني.. وكل همي انام مرتاحة والحياة تمشي

هل تتوقعون هذا عادي واهم شئ اعدي والدنيا تمشي حتي لو شلت بقلبي او انا مريضة نفسيا وبنهار قريب