تعبت مرة وماعاد فيني صبر

          السلام عليكم ورحمة الله وبركاته
انا سجلت بالمنتدى من كم يوم بس عشان اكتب مشكلتي اللي اتعبتني وارجو من كل وحدة تقرا مشكلتي تنصحني ايش اسوي لاني تعبت...بقولها باختصاار ....انا مثلي مثل كل بنت تحلم بالزواج ولها مواصفات تتمنى تلقاها بشريك حياتها وانا والله اني ماكنت اتمنى الا اشياء بسيطة موجودة بكل الشباب اللي حولنا كنت اتمنى شخص يخاف الله ومتعلم اقل شئ الثانوي وقريب مني بالعمر وشكله مقبول ومرتبه يسد حاجتنا ومع تقدمي بالعمر ووصولي 25 بذلت الأسباب قرأت سورة البقرة واستغفر واقوم الليل وادعي والحمدلله انخطبت لاكن مافية اي صفة تمنيتها فيه رفضته طبعا وامي زعلت تقول لامتى لان قبلها من سنه انخطبت ورفضتة واخواتي ظغطن علي اللي تقنعني فية واللي تقول تعبتي امي مع انهن اصغر مني واخواني يقولون الرجال مافية شئ ليش ماتوافق حسسوني اني عاانس ولازم اوافق ولما اتصلوا امي ارسلتلي اختي تسالني وانا طنشتها وراحت قالت لامي موافقه بعدها سكت ماادري اشفيني وكأن القدر والنصيب لجموا فمي وحددوا الملكة وماسويت لها شئ كل شئ سويته بالبيت استشوار ومكياج ولما دخل علي انصدمت مو حلو واسمر مررة ومشيت كل شئ لاكن من راح رحت لغرفتي وبكيت لين نمت وصحيت الفجر وبعدها باسبوع كلمني وكنت اقوله اني ماابغاك مو انت الرجل المناسب لي بس كان يقولي انا ابغاك وراح اسعدك المهم مرت شهور الملكة وجهزت للزواج واللي يشوفني يقول مبسوطة وانا احس بصدمة وكاني بحلم استنى اصحى منه وتزوجت والله كنا متفقين نسهر للصبح لاكن من دخلت جلست خمس دقايق ورحت تروشت واستشورت ونمت ماكنت فرحانه من جواتي ماني متقبلته بقولكم ليش مو متقبله اولا شكله ثانيا مو متعلم معاه خامس ابتدائب ومايعرف يقرا ويكتب زين عمرة 36 اسلوبه مايعجبني مع انه رومنسي وطيب وحنون ومايعرف يمشيني بس يدور بالسيارة ماااايعرف شئ ابدا واللحين مر على زواجي سنتين معي ولد عمرة سنه وشهرين تعبت هالسنه كثيييير حالته الماديه صفر راتبه ثلاث الاف ودوامه شفتات ولا يوم اجازة الا من كم شهر صارو يعطونه اجازة الاربعاء ماعندنا اللي ناكل منه عايشين على الخبز والجبن وسيارته باعها يسدد اجار الشقة وعليه قرض هو يحاول يترزق بس مو قادر يوفر اللي يكفينا تعب وانا بعد تعبت ..اقولكم المشكلة اللحين اني عجزت احبه دائما ابكي وأغااااار كثير من غيري خاصتا العمر متعبني مرررة عمرة اللحين 38 ومشيب مررة شواربه غير يصبغها وشعرة .ووجه تعبااان مرة اكبر من عمرة بعشر سنين اغر من اختي مخطوبه لولد خالي قدها بالعمر 25 ومتعلم اغار واكرها لانها هي بعد سبب اني وافقت ع زوجي وواغار من كل عروس ومن الكل تعبت ومتعبني الفقر ونحفت منه وماصرت اطلع وزوجي متغير بعد بس ينتقدني ومايثق فيني ع ولدة ومااقدر اتركة مستحيل واحيانا اتمنى امنيه بشعه اتمنى يموت يرتاح ويريحني والوم نفسي واوبخها واستغفر صرت مااحس بطعم الحياة مافيني روح وبكايه وقلبي يعورني احيانا من الحزن  ودائما نتزاعل انا وزوجي مو متفاهمين انا جامعيه  تعبت مو قادر اكتب مع ان فية اشياء كثير ..........ارجوكم ادعولي ان الله يغسل قلبي من الحزن ..والحقد على اهلي ..والغيرة من اللي احسن مني ..وانه يحبر كسر نفسي .