تعبت معه 😓😔

صباح الخير. احلا خوات بالدنيا وربي انبسط لما ادخل واقراء معكم أستفيد كثير ربي يسعدكم دنيا وآخره ويرفع قدركم😘
سالفتي أني متزوجة مِن 16 سنه تقريبا وعندي اطفال وحاليا حامل
زوجي إنسان مغرور شايف نفسه اخر حبه انطوئي عنيد
مو اجتماعي أبد أبدا من عرفته مايحب الناس الا على كيفه
اذا صار عنده فلوس ورايق طلع وإذا لا مستحيل يقرب احد حتى لو أخوه
اذا جته الفلوس مبذر يعزم أصحابه وأقاربه ذبائح وشاليهات الشباب ويبسطهم وإذا فلس سحبو عليه يعني اصحاب مصلحه
ويمن عليهم ويتحملونه بس اذا طفر ويسحبون عليه
مايمسك أبد وإذا قلت خلنا نستثمر الفلوس أو اشتري ذهب قال مالك دخل ولا روحي لأهلك أخذ منه الي احتاج والباقي يلعب فيه
المهم يكون عنده فلوس مره في سنه أبسطها تكون من قرض باقي السنه طفران
يعني 11 شهر يبني اترك اهلي حتى لو فيهم مريض حفلة زواج
يعني اروح غصب أو بمشكلة تعودت أكلمه أقنعه يرفض اسوي مشكله اروح احضرالمناسبه بعدين وارجع وهو مايحضر الا اذا معه فلوس يعني مبلغ كبير في رصيده فوق العشره اذا رصيده الف يقول مااحضر كان الناس درو عنه الحمدلله والشكر
تقريبا من سنه اتفقنا اهلي اسبوع واهله اسبوع
اسبوع أهله يروح رايق ومتحمس اسبوع أهلي ينكد علي
اروح وخاطري مكسور
مع ان اهلي يكرمونه ويفرحون اذا جاء ويساعدونا اذا احتجنا يمسكون أطفالي اذا مرض يزورنه كله علشاني مو عشانه واحسه يغار منهم دايم يقول كنت احسن واحد
صارو عدايلي وإخوانك أفضل مني لأني يوم تزوجت اخواني باقي لا وظيفه ولا زواج ورجال اخواتي شرو بيوت وهو باع بيته علشان الكرم والفشخره
عكس أهله مايحبونه يقولون إنسان ممل شايف نفسه
بس أمه ياعمري تتحمله
امس كانت أمي تعبانه قلت له بروح لأمي ساعه اسلم وامشي
قال لا روحو تعشو وانبسطو لبسنا وقت طلعتنا اتصل اخوه مادري وش قاله
شوي قلب وجلس يسب ويخاصم بدون سبب وقالي خذي أغراضك وروحي عند اهلك ولا اجلسي خمس سنوات بدون زياره أهلك وأهلي بس عادي روحي سوق روحي سينما روحي لصديقاتك اطلعي بس اهلك وأهلي لا لا لاويصارخ😏
أحسه مجنون قلت وش السالفه نروح ولا ماتبغى مو لازم بكلمها تلفون يوم ثاني أزورها لانه الحمدلله تعب خفيف ربي يحفظها
طلع اخوه عنده عزيمه وبدل مايقول الغي زيارتك ونروح لاهلي خايف يلف ويدور هذا الكلام من العصر الى 10 الليل قال لي السالفه ان اخوه عزمه
حسبي الله عليك نكدت علي روحه اهلي مع انه ذَا الأسبوع زياره اهلي ولو قالي بروح دام عزيمه بس قلب البيت تهديد وزعل وسب حتى بنتي خافت
الحين حلف ماطلع الا بعد خمس سنوات عند أهلي الا لضروره 😏
وانا قررت أني ماروح لأهله مافي احد احسن من احد أبد سبحان الله بعد المشكلة في الليل اخته جت من السفر لها سنتين ماشفناها ودام قرر أقاطع اهلي بقاطع أهله هو الي بدا
اهلي يحبون ازورهم بس لو اجي زعلانه اسبوع وهم يحاولون يرجعوني يقولون مالك الا بيتك وإذا تركتهم كم شهر بدون زيارة يزعلون وش الحل 😔
عندي أخت مطلقه والثانيه ارمله والبيت مليان ماشاءالله اطفال
وانا على وشك ولاده
تخيلو كل سنه نفس الموال
وساكته من امس مارديت عليه ولا بكلمه كل شوي يجي يقول عندك اعتراض ولا تضيفين شي يبي السالفه تكبر
انا حريصه ان حملي مايتاثر من المشاكل علشان كذا اتجاهله لان بكري احسها انطوائية من المشاكل
ايش الحل معه