جربي تجيبي لها مدرسة تقوية مرتين بالاسبوع او مره بالاسبوع
بحيث يكون عندها اسلوب ف التدريس ووجه جديد يحفظها يخفف عليك المسؤوليه
القراءه تحتاج تكرار و أستمرار وحروف هجائيه بحركاتها وافضل شيء تعلم كتاب القاعده النورانيه وحفظ القران

والله ياقلبي كلهم إلي تأسسو مع المنصه تأسيسهم زففففففت
لازم اجتهاد من الأم او تجيب لهم معلمه بالبيت
حاولي تقرأ كلمات مكونه من ثلاث حروف
شغلي لها مقاطع يوتيوب عن التهجئ والقرأه
يبغالها كتابه وقرآئه مع بعض قرآئه لحالها ماينفع
الله يوفقها ويجعل هالسنه الدوام حظوري
الأبتدائي ماينفع لهم منصه ابدا

اولى ابتدائي صعوبتها على حسب المعلمة نفسها


بنتك رايحة سنة اولى صحيح؟ يعني لسا صغيرة ياحياتي لاتشدي عليها ، القراءة بتتعلمها مع تعلم الحروف والمدود، اهم شيء ذحين تعرف الحروف وتميزها وتعرف المدود الطويلة والقصيرة ، بيعيدون لها هذي الاشياء بشكل سريع في منهج سنة اولى
لتعليم القراءة 📖 انصحك بكتاب خلاصة القاعدة البغدادية عن تجربة

بالنسبة للكتابة:
جيبي لها دفتر انجليزي مو عربي
و عليك بالتدريب ثم التدريب ثم التدريب، كل ماكتبت الحروف اكثر كل ماتحسن خطها وكتابتها، وعلميها كتابة الحرف بالطريقة والمقاييس الصحيحة (مثلًا الراء ينزل تحت السطر ) درست اطفال روضة ولاحظت بعض الامهات يدربون اطفالهم في البيت غلط..يعني حرف السين يخلون الطفل يحط ثلاث خطوط وبعدين يشبكهم، في المدرسة بعض المدرسين (النساء بالذات) مايحبون هذي الحركة
اذا مسكتها للقلم خطأ او يدها ضعيفة خليها تلون وكمان بتلقين بقوقل تمارين تنطبع لمسكة القلم وتقوية اليد (توصيل خطوط باشكال مختلفة)

الله يسعدكم اخواتي ما قصرتو ويصب عليكم الرزق صب