تعبت مع زوجي

السلام عليكم
اخباركم بنات حبيت اسولف واطلع اللي بخاطري هنا
انا تزوجت ولد عمي وهو متزوج مع زوجته ٢٨سنه
لي انا وهو ثلاث سنوات جبت ولدين
واحد عايش ولله الحمد وثاني توفي بعد الولاده الله يرحمه💔
تعبت تعبت من جد من حياتي
صبرت صبرت كثير
اول سنه كان يبي يرضي زوجته ويزعلني بس اهم شي ماتزعل ويشتت اسرته ع حسابي طيب شذنبي والله ماعشت حياه زوجيه صحيحه
شهر العسل مافيه تمشيت اسبوع ورجعت ووداها اهي بعد اسبوع تتمشى 😭
والله امه بكت قدامي واهو مايدري ،لانها ادري انه بيظلمني امه حيل كبيره بالسن هذا بعد زواج بيومين ورحنا نتمشى
يحترمها بشكل كبير لدرجه احيان احس يقدسها هي وبناتها وولدها
وانا لا اسمعي كلامي ولايوثق فيني دايم يشك فيني قال اغار عليش
هو صح اهي بعد كان معها كذا هذا طبعه
لكن يحرمني اروح لصديقاتي قال اخاف عليش
لمن يسافر ماحب اروح مع زوجته وبناته اتمشى بالشرقيه ماحب لان تصرفاتهم شينه وتوجع
اقعد بالبيت ويقعد يخاصمني اني وحدانيه ع طول وانا والله ابي ارتاح ولمن نطلع نتمشى وهو موجود كل تركيزه اهي يسولف معها ويمزح معها وانا كني شماعه مايدري عني ولمن اتكلم معه قال ماتسولفي ؟كيف اسولف وانت مو معبرني واحيان اسولف وخلاص ماعاد يشوفني يسولف معها وينساني وهي مبسوطه
عنده بنت معاقه صغيره عمرها ست سنوات
سافر تايلند شهر يعالجها وزوجته معه وكنت ف حملي الثاني
تمنيت يعوضني يمشيني انحرمت من تمشيه انحرمت من اشياء كثيره كثيره لدرجه حتى اللبس ماعندي شي احسه يستاهل والبيت مايهتم فيه وياخذ نواقصه من كهرب ومن اثاث مع ان وظيفته ارامكو
لكن تمنيت تمنيت اني ماتزوجته !
لاتقولو اهتمي اكشخي سوي وسوي والله سويت كل شي اشياء ماتتوقعوه لجل ارضيه واكبر بعينه مافاد
يسب اكلي قال منتي مثلها بالاكل والقهوه مره ضمها قدامي
شسوي تكفون تكفون مخنننننوووووووقه 💔😭😭😭😭
صح ذكرت سلبيات ماذكرت ايجابيات بس والله حياتي اكثرها كذا
اسفه طولت معكم 💔والله هذا قليل من اللي صاير معي