ياختي خليه يكشف على نفسه ليا فيه امراض
والله يكشف همك وغمك ويسخر لك يارب ..

لاحول ولاقوة الا بالله الا بالله ... الله يجبرك حبيبتي ويعوضك خير ويكفيك شره وخيانته
والله مو عارفة انصحك بإيش 💔 زوجك ما يستاهل تضحين لأجله او تصبرين معه .. وبنفس الوقت عيالك صغار وبأمس الحاجة لك وللحياة في جو اسري هادىء هم ثمرتك الحقيقية اللي جنيتيها في الحياة
بإمكانك تبردين قلبك وتهددينه بالمحاكم ويضطر يطلقك اذا معك دليل ،، او اذا عندك امكانية تخلعيه ويذلف ذليل .. ثم تبردين قلبك وتتزوجين اللي افضل منه كما تحلمين ولكن ‼️
عيالك وين موقعهم من الاعراب ؟ مع زوج ام وما ادراك ما زوج الام .. وطليقك بيذلك مثل ماذليتيه ولا في يده الا اطفالكم المساكين وتدخلوهم معكم دوامة صراعات ومحاكم ماتمر السنوات الا ونفسياتهم معدومة وشخصياتهم مهزوزة ..


طيب وش الحل اللي يريّح قلبك المكسور ؟؟


شيلي فكرة الزواج من زوج ثاني لأنها فكرة تولدت من حب انتقامك من زوجك ورد كرامتك ،،، واش يضمن لك يكون افضل من اللي قبله وان فعلا سخر الله لك ابن حلال طبعا على طبينه او طباين قبلك ( يعني مارح نكوني اسعد من وضعك الان )
ما ادري وش وضعك المادي ؟؟ واش وضع اهلك
ممكن تاخذين عيالك وتروحي عند اهلك او حتى في شقة تستأجرينها ،،، وقفلي جوالك ،، رح ينجن وهو شايف ان حياته فعلا انهارت وفقد ثمرة عمره زوجته واولاده بعيدين عنه وصفيت حياته مع هذه الخاينه ،، هنا يفوق من سباته وغبائه .. اكيد بيبذل ما في وسعه لإرجاعكم وبيوسط من يستطيع توسيطه ،،،
خليه متمرمط اطول مدة تستطيعين ،، ستة اشهر ،،،، سنة حسب الظروف والوضع
بعدها يبان موقفه انه تاب عن الحرام او كابر وعاند .. وتراه يحبك بدليل انه مازال يطلبك بالفراش رغم خيانته وايضا رفضه تطليقك ... وافقي ارجعي له و اطلبي منه اشياء تعوضك مثلا يسكنكم فيلا او يكتب لك شقه او حتى لو رضاوة حسب امكاناته ،،،


زوجك ضعيف وانسحب للحرام يمكن لأنه لم يتجرأ ويصارحك برغبته في زوجه ثانيه ،،
واضح انه مزواج وعنده قدرة لأكثر من زوجة وانت شايفته ما تنازل عنك ويطلبك وبنفس الوقت ماشي مع الخيانه
اسعي لتحصينه وزوجيه وحده تخاف الله ،، المهم انه يترك الحرام والقذارة والنجاسة ،،، اكيد صعب جدا على نفسك ولكن احتسبي الاجر عند الله وربنا اكرم الاكرمين.. اجعلي الله وحب الله هدفك ومرادك والصبر على الابتلاء لله وحده مع شكره وحمده ولن تهمك الدنيا بما فيها بل كل عمل تقدميه من تضحية وصبر واهتمام بأبنائك والسعي لإنتشال زوجك من الحرام كلها عدادات حسنات باقية لك في حياتك الاخرة .. اذا انت خرجتي زوجك من قلبك مارح يكون صعب بل هي خطوة للاستقرار والسعادة في الدارين ..


وليس معنى ذلك انك تعيشي باقي عمرك في تعاسه ،،، بالعكس اسعد ما يكون المرء وهو قريب من الله ،، عيشي سعادتك مع ابنائك واهلك وصديقاتك وجاراتك واصنعي سعادتك في بيتك ،،، سواء عاد اليك حب زوجك او لم يعد ..

واذا زعل خليه يزعل
الله مااقوى قلبك عارفه انه يخرج مع وحده بالحرام يعني زنا وساكته على الوضع وحدك انك كرهتيه ... ايش يضمنك انه سليم من الامراض اصلاًكان المفروض هذا اول قرار تاخذينه ماترجعي له الا بعد تحاليل واثبات انه سليم وبعدها يقطع هالعلاقات نهائياً بحلف وشهود بينكم.. لا تستهوون فيها والله ياكم ناااس عيال قبايل للاسف لاسفر ولاغيره وفجأه يصابون بالايدز بسبب علاقات محرمه عابره وياكم وحده اصيبت من زوجها وهي ياغافلين لكم الله..

الله يعينك فعلا الشي صعب ماتنلامين شوفي أي وقت هو موجود ورايق واجلسي معاه وصارحيه بافلان انا مو قادره اتحمل الوضع حط نفسك مكاني لو انا خنتك بتتقبلني انتي خايني مع وحده من الشارع وانا مو قادره اسامحك علي الأقل نبتعد شويات عن بعض عشان نفسيتي تتقبلك وخليني براحتي غير كذا باخذ ثيابي وبروح بيت اهلي ولحالي عيالك بخليهم معاك عشان يهجد شوي ومايجبرك علي أي شي ولا حسيتيه يشك فيك عطيه كااااش وبوجهه كلن يشوف الناس بعين طبعه شفت روحك مع بنات شوارع وتنام معاهم فكرتني زيك خليك قويه وحاربيه انتي بموقع قوة والأفضل ترجعين تفتشين جواله ولا قدرتي ترسلينهم لجوالك وتمسكين عليه شغلات لو بيوم من الأيام بغيتي الطلاق وعيا هدديه انك بتورين هالصور للكل اهله واهلك والشيخ وكل الناس عشان لا يمرمطك والله يعينك عليه ويهديه يارب

الله يعينك ويفرج لك همك