تعبت مليت من حياتي وغربة قلبي وسلبية ابوي وامي

الأسرة والمجتمع

السلام عليكم بنات اكتب لكم مشكلتي ماساة عمري ودموعي ع خدي مقهووره قهر اعز الناس دمرو حياتي جابوني وماعادوا يبوني وزوجي مل مني طفششش دايم بوجهه امي وابوي متطلقين وامي متزوجه وعايشه حياتها وابوي بعد وزوجته عندها عيال وبنتين متزوجات ولامتهم على قلبها ولاجيت لبيت ابوي طلعت ولاسفهتني تكره شوفتي كنها شايفه ابليس وعيال وبينها وبين امي قبل طلاقها حرب ومتقاطعين مرره هي وامي وامي تقول اكرهها واكره عيالها وهم نفس الشي مايحبوني ابدا ولايعترفون فيني اصلن قبل كنت مشتته اروح لامي لاحب لاعاطفه يومين وتقول روحي لابوك انا ماشفت منه خير وتسكر علي عشان ماطلع لزوجها ولاتطق خبري بالعربي ماهميتها نهائييي بلعكس تفرح لو ماجيتها واذا رجعت لابوي محد يكلمني منهم وانا وبناتها كبري ودايم ببيت ابوي واذا جيتهم لايكلموني ولاكني موجوده وانا كنت تقريبا منطويه ع نفسي وهم عادي يسولفون ويطلعون زوجه ابوي تغار مني لاني اشبه امي وشغاله تكره ابوي و اخواني فيني وتحلف وتقسم اني لو تزوجت اسعد يوم واحيانا تقول امها ماتبيها وماتحملتها بذرتهم مافيها خير انا وابوي ضعيف شخصيه مره كان مدلعني وسحب علي صار يخااف منها وهي مافيها ذرة خوف من ربي عانيت منها انولع الاذى النفسي والله انها اذتني اذى نفسي ومعنوي لاتذكرته بس اصيح لين صارت اختي الاصغر تتمادى وتقوم مع امها يوم شفت كذا اعتزلتهم قسم بالله اني طيبه ومسالمه وصرت ادعي ادعي واشكي لله وتزوجت تزوجت ولارفعت علي تلفون لاهي ولاابوي ويوم زرتهم مافتحتورجعت ارسلتها حرام عليك هذا بيت ابوي وارسلتلي فرحانه انك تزوجتي جايه تغايضين اختك ماكانت بنتها متزوجه واصلن ابوك يقول فرحت انها تزوجت والله اننا مبسوطين زوجي اول سنتين كان مدلعني دلع بس انا كنت لزقه بالعربي والله يابنات اني ابكي ابكي ابكي زوجي ماعاد اهمه ابدا ميته او حيه وصرت زي التحفه عنده دايم بوجهه دايم لازقة له وكم مره يلمح لي اصحابي حريمهم يروحون لاهلهم احسن الحرمه تبعد عشان يزيد الشوق وتو يقولي ليتك تتوحمين علي عشان تكرهيني مل مني طفشششش مني مع اني احاول ابعد واطلع مع صديقاتي بس مايهمه ولايشتاق بالعكس اليوم اللي ازور فيه ابوي وهو مايبيني ويهاوش لاجيت يقول الوحده لاتزوجت للتثقل بس اروح وارتز واعد الساعه لين يجي يرسل تنامين نامي اقوله ماعرف بالعربي يبيني اوخر عنه انا اطلع بس ماابات حتى نفاسي كان ببيتي زهد فيني حيل لاني مااتغلى واروح لاهلي بالشهر والشهرين وهو هذا منيته يقول ودي نعيد ايام ملكتنا والشوق طب انا وش اسوي وين اروح ياربي تعبت تعبت تعبت اصلي وادعي اقول ياربي انت ابوي انت امي انت كل شي علقه فيني وش اسوي الحين يقولي بطلع مع اصحابي لابها 20 يوم بس بكون ع اعصابي اصحابي حريمهم متعلقات باهلهم وسكت قلت الوحده لاتزوجت مالها الازوجها وبيتها روح وتعالنا يابنات انا ضايييقه ضاييقه بين بر ابوي لان زوجته تسوي له مشاكل وبين زوجي وتجريحه وكيف ارد عليه وكيف اتغلى بدون لااروح لاهلي يارب يارب لاتحملني مالاطاقه لي به
10
2K

يلزم عليك تسجيل الدخول أولًا لكتابة تعليق.

تسجيل دخول

0ام ريما0
0ام ريما0
لاحول ولاقوة الابالله
الله يفرج همك ويكون بعونك
Aom fares
Aom fares
ياقلبي انتي وربي اوجعتي قلبي بكلامك
مدري وووش اقووول لكن اشكي لله سبحانه يخرجك من ضيقك ويشررح صدررك
وزوجك قوليله ليتني اقدر ارووح بس بعلمك بااسبابي ولاتقولين امي ماتبيني اوو او لا بس قوولي ابووي مااقدر اروح له بسبب زوجته ماحنا متفقين مع بعض من زماان وامي مااقدر ارووح لها اخااف اضااايق زووجها ..رغم انو ماقال شي لكن اخااف مااحب اضاايق احد
كنزالمجنون
كنزالمجنون
ياقلبي عليك والله الاهل عزوةللبنت
الله يسخر لك زوجك ويجعله مايشوف غيرك
ولايحب بعدك عنه ويألف بين قلوبكم
امك وابوك انانين جداً الله يهديهم لك ويخسرهم لك ويرزقكك برهم وطاعتهم
اكثر من كذا مدري ايش اقولك لاني عايشه مع اهلي ولا اتخيل افارقهم والله لادعليك بصلاتي اذا تذكرتك
ام عيالي الجميلين
الله يسخره لك ويجعله زوج صالح مايشوف غيرك خليه يسافر وانتي لاترسلين له ولاتدقين خليه،يبعد عنك وابعدي عنه شوي وابدئي غيري في بيتك يعني اماكن الاثاث وغرفتك واصبغي شعرك واستخدمي خلطات لجسمك ووجهك واذا ماتعرفين صبغات او خلطات ومحتاجه احد،يساعدك بالالوان او الطريقه شي راسليني خاص واعلمك حاولي تشترين قميص حلو واللون اللي يحبه زوجك لو تنزلين السوق قبل لايسافر اذا مافيه احد،ينزلك وغيري قصة شعرك واستايلك خليه يجي يشوف شي غير شكل خليه يستانس
خلوها بهمها
خلوها بهمها
قوليله استحي من زوج امي ولااخد راحتي ولااقدر اتحمم ا و اروح الحمام وقولي زوجة ابوي مااتحملها وقليله هدا بيتي شقتي احب كل شي فيها وارتاح وصعب على الام تشيل عيالها مثل القطوه وتتنقل وخليه يسافر ونتي عزلي بيتك ونظفيه ومارسي رياضه وراجعي قران ولمن يقرب يرجع ادهري على نفسك شغل وتزبرق