تعبت منه بس ما قدرت اتركه

بسم الله الرحمن الرحيم
السلام عليكم اخواتي انا سجلت بالمنتدى عشان اعرض لكم مشكلتي عسى القى لها معكم حل ، بس من زماااان اتابعكم كان عندي عضويه وتركتها عشان زوجي والحين لو عرف اني مسجله بيجنني بس ان شاء الله ما يدري ، مالكم بالطويله انا تزوجت لي 4 سنين وعندي ولدين و تعبانه مع زوجي جدا جداااا حاولت بكل السبل معاه مافي فايده مشكلته اللي مسببت لنا ازمه هي الشك ثانيا يغاااااار من كل شيء حتى اخواني يقول لو بإيدي اغطيك عنهم ومحد يشوفك غيري ترى من جده يتكلم مو كلام رومانسي ابدااااا
احنا ساكنين بعماره فيها اخوه الكبير وهذا اللي مأزمنا اخوه مهو سوي يعني عنده علاقات ويشرب وكذا مره شافه زوجي بالحوش طايح والعياذ بالله
صار يخاف علي ويقلق وهنا بدت رحلة الشك والمعاناه صار يحط على باب الشقه علامه عشان يعرف اذا فتحت احيانا انتم عارفين بطلع زبالة البيت اكرمكم الله ولا بروح الحوش شوي واتأكد قبلها من زوجته اذا مهو فيه طلعت شويه اتنفس وعيالي يلعبون جنننوني بالبيت كلتهم الوحده وكلتني
وصلت معه يتهمني في شرفي ويتكلم علي بأسوء الالفاظ وطردني من البيت 3 مرات وقعدت عشان عيالي وكلها لو احكي لكم وش سبب المشكله بتنصدمون مره عشان كنت اقرأ كيف أكون شخصيه قويه ومره عشان تسجيل بجوالي بصوتي وانا ارسلته له عشان اعايده ويقول لا كان معي احد واسولف معه مو بلحالي وانا والله شاهد لحالي سجلت له المقطع لان استحي اصلا قدام اهلي ولا خواتي واسجل وحبيبي ومدري ايش
تخيلو انه صار يمنعني من الترويشه يقول ما يتروش الا اللي مسوي شيء ( فهمكم كفايه )
واذا تروشت يززززززعل وليه اقوله كشنت قليت ريحتي طبخ وكرفت وعرقت عشان كذا مافيه فااااايده كأني اكلم اصم مصر على اللي براسه
انا صادقه معه من بدايه زواجي يشهد الله ما قد كذبت عليه بس هو مستحيل يصدقني حتى لو حلفت ع المصحف حتى على اتفه الامور يعصب ويزعل ويسوي منها ساااالفه الحين زعلان لان امس كلمني وقال لي وينك قلت له عند اهل اخوك بالمجلس ( اخوه كل سنه يجي يعيد الاضحى عندنا ويسكنون معنا زوجته وبناته كبار في العشرينات كلهم ) وبعدها طلعنا الحوش شوي ماكان في احد قفل مني ودق على بنت اخوه اللي كانت معي سألها قالت كنا بالحوش ودق يخاصمني يقول اكذب عليه وانه ما راح يصدقني ابد وان الكذب ف دمي ومن هالكلام
انا تعبت معه 4 سنين احاول نتفاهم بدون سب وهواش وطلاق تعبت وانا اصبر واتحمل واسكت يجرحني ويرمي علي كلام ما ينقال ما يضرب صح بس كلامه يضربني ف كل عضو بجسمي من جروحه تعورني كأني انجلدت منه انا ما يقهرني الا اني انظلم ويدري انه يظلمني ويعرف اني بنت ناس ومحترمه بس هو طبعه كذا وانا مليت وضاقت فيني الوسيعه وحبيت اشكي لكم عسى القى لي معكم حل
طولت عليكم سامحوني