تعبت منه والحل؟؟؟

مسا الخير بنات عالم حواء
كل عام وانتم بخير
عندي مشكله مع ابو الشباب وحبيت اشوف رايكن ومشورتكن لي..
بنات انا ساكنه في محافظه تبعد عن الرياض120كلم ومثل ماتعرفون مافيها خدمات كثيره ولما قرب العيد قلت لزوجي خلينا نروح للرياض نقضي للعيد طبعا قبل العيد بثلاث اسابيع لانه مايحب زحمة السوق ورفض يقول بعدين والاسبوع اللي قبل الاجازه قلت خلنا نروح قبل الزحمه لانك ماتحبها ومنها اقضي على راحتي ورفض قال لما تبدا الاجازه يقصد يوم الخميس 5/12قلت ابشر ويوم وصلنا الرياض رحت للسوق وكان زحمه حيل وماقضيت لعيالي الا بجايم وملحقاته ..وطلعت باقي لبس العيد لعيالي وليه ,,المهم ركبت السياره الا هو طفشان وواصل حده من الزحمه قالي ليش ماخلصتي انتي بس تتمشين ووالله يبنات اني اركض ركض علشان اخلص المهم قال خلاص بنرجع لبيتنا وانا من البدايه متفقه معه اني اعيد عند اهلي لانه بيرجع لبيته عند زوجته الاولى..قلت وين راح الاتفاق؟ المهم عصب وجابني وحطني عند بيت اهلي ووالله مامد علي مصروف لعياله ولو ريال واحد..المهم نزلت ومشى على طول ومن \اك اليوم مادق علي ولا سأل عن عياله>>>>كعادته دايم
ولما جاء يوم العيد العصر الا هو جاي وطلب عياله ولبستهم له وراحوا عنده وكان جايب معه حليب لولدي بس!!
المهم تعشا ومشى لبيته ..وانا متفقه انو ارجع لما تجي المدرسه طيب الحين يبنات مين الغلطان انا والا هو ؟؟؟ولا مخليني اروح مع اخواني اقضي للعيد..يابنات انا تعبت كيف اتعامل معه والله تعبت ان طنشت وسكت احس يتمادى اكثر وان زعلت مايدري عن هوى داري ..انصحوني تكفون؟؟