وعليكم السلام ورحمة الله


مشكلتك مو وايد كبيرة لأن حلّها سهل إن شاء الله
لاتاخذين بخاطرك على كل شي ماما تقوله لك أو اللي تسويه أختك ولاتقارنين حياتك بحياة أختك اللي عايشة مع أبوها
بكل بسااااااطة عيششششي لنفسك شوفي لك دورات إذا تقدرين تطلعين برا البيت كل عصر مثلا أنشغلي بأمور تثقفك بدل ماتقعدين طول اليوم تفكرين بالحركة اللي عملتها أمك أو حكي قالته أختك أنششششغغلي بنفسك وعيشي حياتك


وحرااام الماما إذا مافضفضت لك وشكت لك بتشكي لمين وهذا طبع الأم مهما بنتها تشيل وتعمل وتشتغل تشوفها ماسوت شي والله شي طبييييييعي


شي حرام إلا الأم والله أن تزوجتي وبعدتي عنها وتذكرتي مواقفك السخيفة أو أنك زعلتيها أو بس مجرد أنك فكرتي تدعين عليها بتندمين وتزعلييييين أشد الزعل وبتجي لك ضيقة عمرها ماجات لك في حياتك

و عليكم السلام ورحمة الله
أنا احتوي كل ما قلتِ و افهمك يا أختي
و الذي لا يعرفه الوالدين "" أنَّ لولدك عليك حقا ""
لكن دعينا نحسن الظن بها رعاها الله و هداها
ربما لو تغيبي عن البيت سوف تنشغل عليك و تسأل و تذكرك بالخير
على وضعك المهم بالأسرة او لو تتزوجي يوما و هذا ما ارجوه من الله عاجلا


تجاوزي كل هذا التمييز بالدعاء لأنه حقا سيخفف عنك
و سيخرجك من ذاك الضيق و الغيض
و ربما هي تخاف عليهم لأنهم ليسوا مثلك بالنباهة والحذق فيشغلون فكرها
اهدئي فلا أحد له لك الضرر و النفع إلا بما كتبه الله
عسى ربي يبلغك خيرا و سعادة بالقادم إنه جواد كريم


و بالختام أحب أن اقول أنك ستشتاقين لحضن أمك يوما
و ستشتاقين لصوتها و إن كانت به غلظة و قسوة لكنه راع لحبك و وفي له
و ستشتاقين لروحها الطيبة بحياتك .......................فكري و سابقي إليها بالتقبيل و الحضن فهي
................بكل لغات العالم أمك

مع الاسف مافي حل لان هذي امك صعبه تاخذين وتعطين معها اصبري وربي راح يفرج همك وتزوجين وتنسين

خالتي نفس حياتك ،
رغم انهم كبار في السن،
جدتي دائماً تطردها وتسبها وتلعن خيرها،
جهل منها في التربية ،
وخالتي صبورة ، تركت بيتها عشان تخدم أمها ،
لان جدتي صارت وحيده ، اولادها نصهم ماتوا بحوادث
من أدعيتها عليهم ،
والنص الثاني قاطعينها،
وامي عندها اكتئاب وماتقدر تخدم أمها ، لان جدتي بديرة وامي بديرة.
(والوحيدة اللي تخدمها هي خالتي .)
منذو أربعين سنه إذا ماكان اكثر ،
أسئلها وأقول لها ماشاء الله عليك تحملتيها ،
(قالت هذي أمي وبتحملها والعمر قصير ،)
وماتبي الا الأجر من الله ..
حتى انها نحفت من الهم والغم بسبب جدتي
وصابرة ماترد عليها .
وجدتي دعت عليها انها ماتنجب أطفال ،
وفعلا خالتي ماعندها أطفال ولها 35 سنه متزوجة
وماعندها أطفال بسبب دعاء جدتي.
وألحين هي عندها ، ولها شهرين ماراحت بيتها
عشان تخدم أمها ،
واللي عجبني ان زوجها سمح لها تخدم أمها .
(وجدتي مازالت الى الان تشتكي من أخوالي ومن خالتي
وهم ماسوو لها شي .)
مادري وشبها ؟ شكله اكتئاب ،
لانها ترملت وهم صغار وربتهم لحالها.
أو انه عندها جهل في التربية .

وعليكم السلام ورحمة الله وبركاته




الحق الذي لا شك فيه وجوب التسوية بين الأولاد ، لما فيه من المصالح الكبيرة ، ودفع المضار والمفاسد الوخيمة .
.
*الشيخ عبدالله البسام



http://www.saaid.net/Doat/yahi...