تعبت من إنتظار الزواج والوظيفة

الصبر وان شاء الله ربي بيرزقك ويوفقك

اختي من اسباب الرزق الاستغفار

صح متعب هالشعور كنت عايشته لما كنت بعمرك..
بس سبحان الله مرضت امي وتنومت بالمستشفى في رمضان وكنت ارافق معها واقرا عليها قرآن وادعي وكذا..
ماطلعت امي من المستشفى الا انا موظفه ماشاءالله وفتره وتزوجت عقبالك يارب..
احرصي على بر الوالدين والاستغفار والدعاء..
قولي اللهم ارزقني الزوج الصالح اللي يحبني ويخلص لي ولا يمل مني ابدا وسخره لي وسخرني له عاجلاً غير آجل ووفقني معه..

خذي ورقه وقلم واكتبي فيها اكثر من 5 أهداف بحياتك غير الزواج والوظيفه
اجلسي فكري وش قدراتك وميولك وهواياتك وطموحاتك حتى لو كانت حاجات بسيطه جداً اكتبيها
وفكري بكل هدف كيف ممكن تسعين فيه وتمارسينه وتوصلين له على ارض الواقع
سواء تصميم او مونتاج او لغات او اشغال يدويه بالصوف والكروشيه والخرز
او حتى تنظيم وتجهيز الحفلات والمناسبات ومايتعلق بها من ضيافة وهدايا ومفارش وأطقم وادوات زينه
وغيرها من الهوايات والطموحات والاهداف
مو شرط تحصرين نفسك وتعطلين حياتك عشان هدفين فقط ( زواج + وظيفه )
مانقول لا تتزوجين ولا تتوظفين لكن وسعي تفكيرك وطوري نفسك واكتشفي قدراتك بتجربة الجديد
حتى اللي مختصين بمجال تطوير الذات والوعي ينصحون بهذا الشي سواء للمتزوجه او العزباء
انها توسع تفكيرها وتكتب لها اهداف متعدده اذا ماضبط هذا الهدف جربي اللي بعده واللي بعده وكذا
لا توقفين عند نقطه وحده وباب مغلق وطريق مسدود
الاجتهاد والسعي والحركه فيه بركه
وياسلام لو يكون ضمن اهدافك التطوع بوقتك وخبرتك وتخصصك لوجه الله في اعمال الخير بدون مردود مادي مثل تفريج كربات المكروبين ومساعدة المحتاجين او تقديم دروس خصوصيه مجانيه حتى لو كان للاقارب فقط
الحياه واسعه اسعي فيها
ولا تخدرين نفسك بإن الزواج نص الدين واستقرار واطفال وحب وعشق لان حتى المتزوجه اللي تحصر حياتها في زوج راح تجر لنفسها ويلات واوجاع وخيبات امل وتجي مثلك تشتكي من حالها لانها ببساطه ماتحب نفسها ولا تقدر نفسها وهي اللي ظلمت نفسها بإنها سخرت حياتها لشخص واحد ونست نفسها وطموحاتها ورسالتها في الحياه

الله يفرج همك ويرزقك