تعبت من اختيار الصديقة

السلام عليكم ورحمة الله وبركاته

كيفكم

والله أحس إني صدري ضايج، ومع هذا ما أحب أفضفض اللي في خاطري لكل من هب ودب ..

والمشكلة ( الثقة ) والثقة موضوع طويل ...

لكن يمكن تقولون إنه مش كل الناس نفس الشي .. صح كلامكم ..

لكن شو رايكم إني ما أثق، لأنه لو احصل حد افضفض له .. ألقى كلامي ينتقل ..

مش شرط إني أنا ما أعرف اختار الصديقة .. ولا انا كامله ومافيني عيوب ..

بس إذا اكتم اتعب وإذا اتكلم اتعب ... شو الحل ؟؟؟ ياترى .. من مر بتجربتي ؟؟

بتقولون لي طنشي .. بتقولون بتلاقين وخلي بالج طويل .. وإلا تقولون لي إني أبالغ في كلامي ..

حتى الزميل اللي ممكن يكون صديق في يوم من الأيام ...

كل مره اكتشف شغلات، تخليني أقول كل الناس نفس الشي، كيف لي اقتنع باللي اعرفه ؟؟

عمري ما فلحت بتكوين صداقة .. مع إني ادور .. لكن هل العيب فيني ؟؟

يعني لما انا اعطي واعطي وألقى حد يخذلني .. صعب ..

احب حد يهتم فيني يسأل عني يفهمني .. مايجرحني ... مايتكلم بسوء عني ... يقدرني ..