تعبت من اختي الطايشة ..

السلام عليكم كيف حالكم ان شاء طيبين


اختي عمرها 29 ونص تعرفت ع واحد قبل 4 سنين كانت تكلمه محادثة وتطور الوضع من محادثة لفيس كام .. كان يقولها انو يدرس طب اسنان اخر سنة وبيتخرج ويتزوجها
مرت السنة الأولى قلها رسبت وبعيد سنة والسنة الثانية كمان رسب والسنة الثالثة برضو رسب بعدين قلها تخصصت تخصص ثاني غير الطب يعني لين مايتخرج ويتوظف 3 او 4 سنين بالقليل كمان
اختي كانت قبل تطلع وتسولف وتهتم بنفسها وتحط مكياج الحين خلاص اندمرت ماعاد تطلع من البيت مرة ماتحط مكياج نهائي وزنها زاد جسمها مترهل مدمرر امي تقنعها تروح نادي تهتم في جسمها مو راضية عشان بس تلحق تكلمه
المشكلة ماتطلع من البيت ومايجلس في البيت الا هيا وابويا ف هيا تجلس تكلمه وصوتها مررة عالي اقولها وطي صوتك تعاند وانا اجلس اقنع ف ابويا يطلع من البيت عشان لا تجيب لنا فضيحة وكل مامريت اسمعها تكلمه تقول تغااار تحسبني اغار منها رحت قلت لامي وامي كلمتها .. سمعتني اكلم صاحبتي راحت عند امي تقولها شوفيها تكلم واحد وصوتها عالي صارت تجلس كل يوم عند بابي تتسمع تحسبني اكلم واحد
وربي يابنات انو أي شي انا اسويه او أي شي اشتريه تروح تعلمه او تصور له حاطه دوبها في دوبي تراقب ايش سويت احسه زوجي يعرف عن حياتي اكثر من نفسي .. ومرة كنت دوبي صاحية غرفتي جنب الصالة اللي هيا تجلس فيها فتحت الباب قدام بابي طوالي فاتحة الكام له ونا لابسة شورت وحالتي حالة كل جسمي شافه خلاص احس وقتها انا تشنجت .. جالسة بس تفضح فينا وتبغاه يتزوجها . كانت تقول كل ماجبت سيرة زواج يجلس يضحك مايرد عليها
اختي تغيرت 180 درجة كانت اول عاقلة الحين مرة انجنت .جالسة كذا في البيت لها 4 سنين من يوم تصحا لين تنام فاتحتله الكام وشغالة فضايح فينا عشان راح يتزوجها وباقي بتجلس 3 سنين كمان ع نفس الحال
حتى مرة امي ارسلتلها مسج قلها مين ذا اللي يرسلك. اختي قالت ذي امي قلها انتي كذابة يالله احذفيها .. حتى المطعم لما تطلب تكلم قدامه عشان يتاكد .. حتى عباية فصلتها وخلصت وكان باقي يومين ونسافر ابويا قلها امشي عشان تقيسي العباية وتاخذينها مو راضية تطلع تبغا تجلس تكلمه لين ماجات امي وهاوشتها موقفة حياتها عليه
لو تشوفون اختي تحسبونها ام عيال مو بنت مهملة نفسها بشكل مو طبيعي وتبغاه مايخونها .. معليش طولت عليكم بالكلام بس شوفولي حل معاها لاني من جد تعبت يعني اختي العاقلة اللي قبل مو نفسها ذي الطايشة