تعبت من ازعاج الأطفال احس جاني اكتئاب

أطفالي الله يهديهم مزعجين ولانهم فوق بعض طول الْيَوْمَ مضاربات وتخريب وصراخ وازعااااج
انقطعت عن العالم تماما ماعاد اروح لأحد ولا أحب احد يجيني يادوب احضر المناسبات الرسمية
طول الْيَوْمَ وانا مصدعه منهم الله يصلحهم مع ان كل شي موفر لهم ألعاب بس هم كذا طبعهم يحبون الإزعاج


المطبخ ماعاد اقدر ادخله واطبخ مثل الناس يلحقوني وهات يافتح ادراج وتخريب وإذا طلعتهم وصكيت الباب يطقون بعض
طبعا هم في مدارس الاثنين يدرسون والصغيرة سنه ونص بالبيت
بس بصراحه ماعاد اعرف طعم المتعه في اَي شي حتى الاكل اكل وانا مستعجلة

الشاهي والقهوة اشربهم في أكواب وبسرعه ما اعرف امخمخ على شي لأني ما اجلس منهم
اذا طلعت لمكان مستحيل استمتع لو هو احلى مكان من التعب والنكد الي يسوونه
كل يوم يمر علي احس أني فيه مجاهده أخوض حرب
حرب تقويمهم الصباح للمدارس وصراخهم مايحبون المدرسه
وحرب تنويمهم في الليل أذوق العذاب عشان انيمهم
وإذا نامو اجلس ابكي ابكييييي
احس ان عمري يركض وانا في دوامه ماتخلص تلفزيون ما اشوفه منهم حتى لو مايتفرجون على أفلام كرتون ياويلي اذا غيرت القناه صراااااخ ومشاكل
أنا اعرف امهات ماشاء الله عندهم كوم اطفال بس فيه ايّام تمر هاديه عليهم أنا عيالي لاااااااا كل يوم نفس الموال من صراخ وإزعاج
تكفون ساعدوني