تعبت من الازعاج اليومي

وينكم مافيه ردود
والا انتم مش موجودين علشان اجازة ؟؟

ياعمري والله
شوفي يا اختي
المصيبه ماتقاس بحجمها
تقاس بحجم وقعها عليك
بمعنى انك اذا استسلمتي للحزن
وماحاربتيه
بتضل المشكله عندك
بل وقد تكبر

لكن لو حاولتي تقوين نفسك
بالدعاء والاحتساب والصبر

كان خفت عليك

((انتي جالسة تعملين عمل كبيييير،،وش اعظم من تربية الابناء والصبر على الزوج~؟؟..؟

هذا يا اختي بلاء من الله
فاصبري عليه
واحمدي ربك واشكريه

فيه ناس ازواجهم قريبين منهم
بس انهم عايشين مشاكل من نوع ثاني

وفيه ناس عندهم اضعاف ما عندك من المشاكل
لكنهم اقوياء

انتي لازم تشوفين نعم الله عليك
وتفكرين فيها
وتحمدينه عليها كثير
لا يسلبها الله منك

اما الامور السلبيه
احمدي الله على ان لم يجعلها اكبر مما هي عليه
وادعي ربك
وألحي في الدعاء انه يعينك عليها

راقبي نفسك
يمكن انك مقصرة في العبادة
يمكن انك مقصرة مع والديك
او مع الناس
فكري لاتكونين ظالمة احد ..لو شغاله او طالبه


سوي لك جدول
-وقت معين لك تقرين فيه ولا تتونسين فيه ولا تسجلين بدار قرآن
-ووقت تجلسين فيه مع اولادك تقرين عليهم قصة ولا تسوون اعمال فنية ولا تطبخون طبخه
((قبل يمكن عشر سنوات او اكثر رحت عند قريبتي، ماشاء الله عليها لقيتها معها كتاب صور من حياة الصحابة وتقص قصة احد الصحابة على اولادها
ماشاء الله جلست معهم واستمتعت والى الآن اتذكر منظرهم مرة حلو))
-ووقت للعبادة قرآن صلاة ليل طلب علم.....
-و الوقت الباقي عودي نفسك عالرواقه، ترى مو مهم يكون البيت يلمع لكن نفسيتك خربانه ، ولا اسلوبك مع اولادك مو حلو ،
-وبالنسبه لزوجك حاولي تكونين اذا جاء نشيطه ومعنوياتك مرتفعه وبشوشه
حتى يحب البيت شوي
مايحس انه كل ما جاء بيشوف نفسيات زفت
- ولا تقولين له اجلس بالبيت، اهتم معي بالصغار ،اقعد معي تقهوى،
لا خلي قهوتك جاهزة وممكن اذا مر من عندك اعزميه يتقهوى معك
اذا كنتي طفشانه قولي له ودي نطلع سوى نتمشى
ممكن يقول لاا ، قولي متى اجل.؟ وخليه يحدد يوم ثاني
وكذا بعد فترة اطلبي منه
واشكريه بعد الطلعه وقولي استمتعت
ولعل ربك يهديه ويتعود انه يهتم فيك

الله يعينك

الله يعينك
انا مومتزوجة ومع كذا احس اني خدامة في البيت
انا اقول كذا لما احد في البيت امي ولا اخواني يطلبون شي مني
بس زي ما قالت الاخت قولي الحمد لله واصبري
ولا تكتمين اشكي لاحد
يعني انا اذا متضايقة اشكي لاختي واختي ما عندها الا كلمة وحدة اصبري يا حبيتي ما عليكي
وبعض الاحيان اتعصب منها نفس الجملة بس بعد ما اطلع اللي في نفسي ارتاح

وشوفي بلاوي غيرك وتهون عليكي بلوتك
الله يصبرك ويهدي زوجك
ادعو لاختي بالذرية الله يرزق كل محروم

الله يعينك
انا مومتزوجة ومع كذا احس اني خدامة في البيت
انا اقول كذا لما احد في البيت امي ولا اخواني يطلبون شي مني
بس زي ما قالت الاخت قولي الحمد لله واصبري
ولا تكتمين اشكي لاحد
يعني انا اذا متضايقة اشكي لاختي واختي ما عندها الا كلمة وحدة اصبري يا حبيتي ما عليكي
وبعض الاحيان اتعصب منها نفس الجملة بس بعد ما اطلع اللي في نفسي ارتاح

وشوفي بلاوي غيرك وتهون عليكي بلوتك
الله يصبرك ويهدي زوجك
ادعو لاختي بالذرية الله يرزق كل محروم

أختي كان الله في عونك
عليك بدعاء بصلاح أبنائك وأن يسخرهم الله لك
حافظي على الأذكار وحصني أولادك وقت المغرب تنتشر الشياطين الله يحفظنا منهم
وأكثري من الدعاء والأستغفار الله يسخرلك زوجك وأولادك ويبعد عنك الهم والمشاكل
أملك كله بالله فكوني قريبه منه