السلام عليكم ورحمة الله وبركاته انا متزوجه 8 سنين وعندي ولدين ماشاءالله وحامل بشهري الاخير ولكن يا اخواتي قبل تقريبا ثلاثه شهور تمالكني الشك وحطيت تسجيل صوت بسياره زوجي من غير مايدري وهو يوصل وحده وسمعت بينهم ميانه قويييه يابنات فوق ماتتصورون يقول لها انا ماقلت لك ماتتعطرين من هاذا العطر الصباح رجعتي تتعطرين منه مره ثانيه وكلام كثير بس ماسمعت كلام حب بينهم مو باين والصوت مع الاسف في ضجيج قوي نص الكلام ماسمعته بس ماتحملت رحت قلت له انت كيف تسولف معها كذا كانك تسولف مع خويك كذا مع العلم والله انه حتى انا مايسولف معي كذا وصامت بكل ماتصدقونه يعني لو بتكلم معه اسحب الكلام منه سحب والمهم قال هاذي حرمه كبيره ومتزوجه وعندها ولد كيف تفكرين انه لي علاقه معها وانتي اصلا ليش تسجلين الصوت وزعل المهم صدقت هالشي بس يلي قهرني انه مره يمون معها وصار لنا كثير مايتكلم معي مثل ماتكلم معها ويمون وبعدها بفتره طلبت هاذي الحرمه اني ازورها في بيتها بحكم ان ولدها وحيده وتبي عيالي يلعبون مع عيالها ورحت ماشاءالله بيتتها ماحكي لكم يجنن يجنن يعني كل شي اتماتيك وبالمس واستبعدت الفكره من راسي قلت انسانه بيتها كذا وغنوجه ترا عمرها 42 سنه وتصرف على بيتها وتشتغل بس زوجها تعبان يعني صار له مرض وصار يعني مايمشي الا بمساعده والخ تعوذت من ابليس قلت انسانه كذا بيتها وحياتها عندها خدامه ايش تبغى بزوجي وانبسطت مره و كانت تحط العشى قلت لها بساعدك قعدنا نسولف وقالت اهم شي بحياتي زوجي وولدي وشغلي بس وقعدت تمدح يعني ارتحت نفسيا رغم اني ماسالتها قالت كل شي لوحدها رجعت البيت وقلبي مطمن اعتذرت منه لاني سجلت صوت وبعدها بفتره انعزمت لعرس وهي من الصدفه كانت بنفس العرس وشوي قعدنا نسولف طلعت عطر نفس عططر زوجيي بالضبط هنا دخلت تساولات مالها اول وتالي رجعت البيت قلت له العطر ذا نفس عطر الحرمه ودخلت دوامه تساولات مالها اول وتالي وكنت راجعه البيت بس ماعندي رصيد قلت لها بدق لزوجي ماعندي رصيد قالت دقيقه بس وحسيت كانها تغير اسمه مادري والله مابظلم بس كذا قعدت حوالي دقيقتين بعدين اعطتني ادق رجعت البيت سالته قلت له عندك نفس العطر حق الحرمه كاني يعني مو شاكه قال والله مادري الا منك وهاذا خويي اعطاني هديت وتعوذت من الشيطان ولكن من هذاك اليوم وانا احس بشعور شك شك واحساس انه معه علاقه معها واذا مو معها مع غيرها ممكن ومن اول ماضفت رقم الانسانه هاذي واتس وهي تنزل عن الحب ومالحب قلت عشان زوجها اكيد وزوجي هالفتره تعبان وممكن يسوي عمليه والغريب انها تنزل عن المرض الله يشافيك ويبعد عنك كل ضيق وحزن كتبت لها سلامته قالت مين يلي سلامته استغربت وقلت لها كنت برسل لوحده جات عندك الرساله قلت لها الله يحفظ اهلك تنزلين عنهم قالت اذا اقصد زوجي ارسل له خاص وولدي انزله الا نادر استغربت اذا الحالات ذي مو لزوجها لمين المهم ساعدوني والله الشك ياكل قلبي اكل بكل مره احاول اتجاهل الشعور مع العلم زوجي يصلي و مايقصر مع عياله ماشاءالله بس صامت لما يجي مايسولف ولا شي احبه والله بس في حال بالموضوع خيانه انا بنفصل قلت لعل احد نفس قصتي وفي احد في خير يساعدني اتمنى ماتجاهلون هاذا الموضوع علموني كيف اتصرف اخت زوجي قالت زملاء عمل وفي زملاء عمل اسوء من كذا انتو ايش رايكم اتمنى قصتي تنشر لمكان ثاني تيك او غيره وشكرا لحسن انصاتكم