تعبت من الاهانة والضرب

امس حصلت مشكلة بيني وبين زوجي وضربني وشدني من شعري بكل قوته طلعني برا الغرفة وهو شاددني من شعري انا من شده الالم دفرته بيدي وحاولت ابعده عني وسبب ضربه لي تافه جدا وانا ما غلطت عليه وانا طلبت الطلاق وقلت ما بقعد معاه ولا ثانية وقلت سفرني على اهلي علما انه اهلي في دولة ثانية ..قالي انتي طالق واتصل على ابي وقال طلقت وكلم اهله وتخيلوو شنو قالهم قال اني انا ضربته وقال اني ما اطبخ علما اني والله بطبخ حتى انو ضربني بعدما اكل الغدا الانا طبخته اتصلت اختو وسالتني قلت ليها انا ما ضربتو وبس دافعت عن نفسي الحمد لله انهم وقفو معي لانهم عارفين اخلاقي وعارفين اني ما اقدر امد يدي على اي احد وموضوع الطبيخ الحمد لله اختو كان سالتني شنو طابخة قبل المشكلة من باب الونسة بس وقلتها طابخة...و...... وقعد يصرخ ويهدد فيني وقالي ما حتنامي في البيت اليوم بوديكي بيت ابوي بي حمواتي قصده قلت بسافر من هنا ليش اروح لاهلك واصريت على السفر
من قلت سفرني واصريت على موقفي قعد يقولي انا غلطت بس انتي كمان غلطتي قلت ما برجع ابدا اتصل ابي علي وانصدمت من كلام ابي قالي اتحملي.ولا قال لزوجي ليش ضربتها ولا سأله حتى وقالي انا قلت لك زمان اتطلقي وانتي رجعتي اتحملي النتايج شوفو لي حل مليت من التفكير امس المساء قالي سامحيني وما بعيدها قلت تعتذر مني وتتصل لابي وتحلف انك ماحتضربني وما حتعيدها ولو عدتها يقع علي الطلاق ..علما باني حامل وما نمت من التفكير ومستغربة ليش قال لي اهله اني ما اطبخ وهو كل يوم ياكل ضبخي ولي قال لهم هي ضربتني وهو الضربني رغم انو نفذ كلامي واعتذر وحلف لابي بالهاتف بس حاسة بغصة في حلقي نفسي مشاكلنا تكون بس بينا كل ما تحصل مشكلة يتصل لاهلو واهلي ويقول اشياء ما فيني اهله هنا في نفس مدينتي قالو لي تعالي اجلسي معانا يومين عشان تتحسن نفسيتك وانا مالي خلق اشوف بشر من اللي فيني فوق قرف الوحم وتعب الحمل مشاكله الما بتخلص ..المحيرني اكتر كل مرة يغلط نفس الغلط يصرخ ويهدد ويطلع مشاكلنا بره ويكبرها ويندم ويوعدني ما يعيدها ويعيدها
اختو مصرة اني اجي بيتهم بشاوركم اطلع ولا ما اطلع خايفة يتعود كل ما نتخانق يوديني بيت حمواتي وانا والله استحي من تصرفاته وكذبه علي قدامهم