مافي زي رجيم السعرات الحراريه...ولا تتعبي بالحسبه ولا اي شي ، فيه تطبيقات بالجوال بس تدخلي فيها ايش اكلتي وتحسب لك على سبيل المثال لا الحصر : FatSecret كل يوم تاكلي 1000 سعره ، والالف متنوعه ماتحسي بحرمان ولا جوع وتاكلي اللي نفسك بحدود سعراتكواشتري ميزان الاكل وتصيري توزني اكلك وتدخلي بالبرنامج ويحسب لك.واقولك نصيحه صغيره من تجربه احنا ليش نخبص؟ لان مافي تنظيم بالاكل ومافي شي جاهز قدامنا فناخذ اقرب شي تقع عليه عيناالحل بالبرنامج ... قبلها بليله تدخلي الاشياء اللي تبين تاكليها وخلاص كذا عرفتي وش تاكلين وماتضطرين للتخبيض. وخلي قدامك فواكه مثلا او خيار وفلفل رومي... بدلي اللي قدام عينك راح تتبدل حياتكالله ينحفك بصحه وعافيه

تدرين ليه ما تقدرين تلتزمين بنظام غذائي لأنك تعطين إيحاء لعقلك الباطن
حمية=حرمان
حرمان =ضغط نفسي
ضغط نفسي=التغيير المتتابع في الحميات
التغيير المتتابع في الحميات=نزول بطيء او ثباته
نزول بطيء او ثباته=احباط
احباط=تكنسلت الفكرة كلها
وتبقين ثابته بمكانك وتندبين حظك ...
أول خطوة لازم تتبعينها الحلويات والشبسات والخرابيط على قولتك ما تدخل بيتك لأنها تضر بصحتك وصحة أطفالك
ويتعودون عليها فماعاد يتقبلون الاكل الصحي مثل الفواكة والخضار او حتى يتناولون من وجباتكم اليومية
ضروري تكون وجباتك 3 رئيسية ووجبتين خفيفة يفصل بينهم 3 ساعات وسعراتك اليومية ماتتجاوز 1416 سعره
ولا تثبتين عليها كل يوم ...يوم نقصي منها 50 سعره ويوم 100
عشان جسمك ما يتكيف على عدد معين ويبقى معدل الحرق بمستوى واحد
واكيد تكون وجباتك صحية بنوعها وطريقة طهيها الحصة الاكبر فيها للخضار بعدها حصة البروتين وبعدها حصة النشويات
امضغي الاكل ببطء وبدون مشتات مثل التلفزيون وغيره واستخدمي اواني صغيرة وملعقة صغيرة او شوكة
وآخر وجبة قبل النوم بـ3-4 ساعات وأشربي لتر مويه لكل 25 كيلو من وزنك
وأستبدلي
الدقيق الأبيض>الدقيق الأسمر أو النخالة او الشوفان
السكر الأبيض>السكر الأسمر ماتتجاوز 6 ملاعق يوميًا
الملح الأبيض>الملح البحري
الرز الأبيض>الرز الأسمر
الشبس>البوب كرون أو مكسرات نيه
الدهون>زيت الزيتون أو الكانولا
الحلويات>الفواكة ماتتجاوز ثلاث حصص في اليوم
الشوكولاتة>الشوكولاتة الداكنة بدون إضافات أو الداكنه اللي فيها بسكويت
المشروبات الغازية والصناعية>عصائر طبيعية محضرة في البيت
منتجات الألبان كاملة الدسم>منتجات الألبان قليلة الدسم
القلي>الشوي أو السلق بملعقة صغيرة من زيت الزيتون وتقليل كمية الملح والبهار لأن الملح يحبس السوائل في الجسم والبهار يفتح الشهية أكثر
اللحوم الحمراء بمقاس نص كف اليد خالية من الدهون والدجاج أختاري منه الصدر وبدون جلد

ولابد من ممارسة الرياضة لخمس أيام في الاسبوع
بداية بالمقاومة بوزن الجسم أو بأوزان أضافية 1 كيلو للدامبلز وبالتدريج تزيدين الكيلوات لما تحسين انك ماعاد تبذلين مجهود
لكن ما تتجاوزين3 كيلو للعضلات الصغيرة و6 كيلو للعضلات الكبيرة
بـ3 جولات بـ15 عدة ولا تمرنين نفس العضلات ليومين وراء بعض كل يوم عضلة كبيرة مع عضلتين لثلاثة صغار
(وبامكانك استخدام علب المويه كاثقال تفرغينها وتعبينها رمل وتمرني فيهم)
وبعد المقاومة تمرين هوائي من 30 -45 دقيقة
مشي سريع,هرولة,ركض,وإنتي ثابته بمكانك ما تحتاجين مساحات واسعة او تنطين حبل او تفتحين اليوتيوب على مقاطع لتمارين الايروبيك
او حتى تلعبين مع اطفالك المهم اي مجهود بدني يرفع نبضات القلب
وبنهاية تمارينك من 15-45 دقيقة تتناولين بروتين (سمك,دجاج,لحوم حمراء)مقاس نص كف اليد خالية من الدهون
او بياض بيض او كاس حليب


وأبتعدي عن الميزان وأعتمدي القياسات بالمتر كل أسبوعين
الذراعين ,الصدر,الخصر,البطن,المؤخرة,الافخاذ,السمانات



بهذا النظام راح ينزل وزنك بمعدل طبيعي وآمن ومن غير تقييد وحرمان لأنه نظام حياتي مو وقتي
وفي البداية بتلاحظين نزول سريع لانك تخسرين نسبة من السوائل مع الدهون وبعد كم كيلو بيقل معدل الخسارة
لأن الخسارة من الدهون فقط ومع تمارين المقاومة بتشد عضلاتك وتقوى بتعطي وزن بسيط بالغرامات او تثبت الرقم
لكن بالقياسات بتفرق معاك كثير
والله يقويك ويعينك وتوصلين للمثالي وإنتي بخير وسلامة.

سنة اللقيمات ..
ابحثي عنها واقرئي التجارب ..
نظام حياة متكامل ..
استفدت كثيييييرا منه وينزل الوزن بدون إحساس بالجوع .. لأنه يعتمد على اتباع سنة الرسول صلى الله عليه وسلم. . لقيمات يقمن صلبه ..
النظام مشروح ع اليوتيوب
ببساطة .. كل ساعتين لك لقيمة عبارة عن نصف الكف خبز مع ملعقة من اي نوع من الغموس أي شيء
بعد شهر رح تكتشفي انه معدتك صغرت كثيرا وماتحتاجي لقيمات كثيرة وبعدها تتدرب على اختيار اللقيمة الصحية..
النظام يعتمد على الكم فقط .. كمية الأكل
واتمنى تبحثي عنه وشوفي التجارب واقرئي عنها ...