تعبت من التفكير

السلام عليكم ورحمة الله وبركاته
بدخل بالموضوع بدون مقدمات
انا اصغر خواتي وصبري نفذ من اللي نحنا نعيشه وهم مازالوا يتحملون ويصبرون عشان امي
الموضوع كله زوجة اخوي تعبتنا كثير
ياناس دايم يشوفون حرمة الأخ هي المسكينه وخوات الرجال هم اللي منهم المشاكل
ولكن اقسم بالله هذا وانا صائمة اقول الحقيقه
زوجة اخي منافقه جداً قدام ابوي واخوي تظهر الاحترام والتقدير ولكن يوم يروحون تكون دايم في غرفتها ولا تحب تجلس معانا الا بمزاجها عموما هذا الشي يراجع لها لكني أقوله عشان تعرفون شخصيتها
من تزوجت وهي تطلع بصورة الطيبه قدام اخوي وتغار عليه لدرجه ماتحبه يطلعنا او يمشيناااا حتى من امي تغار لما ازعل امي تقول اسكتي خلاص تبينه يطلع من البيت امي همها بس يكون اخوي حولنا
تدخل في كل شي حرمة اخوي اقرب مثال شغالتهاا ممنوع احد يطلب منها مساعدة حتى في مرة امي طلبت الشغاله تودي الصحون للمطبخ قامت قالت لشغاله لا تروح وامي يوم شافت الصحون سكتت ثم قالت زوجة اخي انا احتاجها عشان كذا ماخليتها تروح .. الين هنا نقول عادي شغالتها وهي حره ولكن المصيبه ان شغالتنا تخدمها اكثر من شغالتهاا وتامر عليها اكثر منا وتستخدم أشياء بيتنا لكن أشيائها ممنوع اللمس مثل صحون او غيره
ولكن لو ابوي او اخي طلب الشغاله ترسل شغالتها وتقول ع شغالتنا اجلسي لاتروحين عشان تطلع ان هي طيبه
تتامر في كل شي اَي شي نبي نسويه لابوي لما يرجع من السفر تسمع فيه تروح هي تسويه حتى ابوي ماخلتنا نسوي له اللي نبيه دايم تحب تطلع بالمدح قدام اخي وابوي
امي ماتقول شي تقول خلوها لكن حتى اشيائنا تاخذهاا بدون استأذن ولا يهمها شي
الحين قاعده تخطط ان اختها تتزوج اخوي الثاني
ولكنا مانبي بس مانقدر نقول شي تعبت انا حزينه جدا
ماودي اختها تدخل حياتنا وتبعد اخوي الثاني منا :(