عواطف تركي :

طيب انتي ليش متضايقه ؟ تابعيه وانبسطي على سناباته وصوره وتغريداته ترى كل شي من خلف شاشه لا درا عنك ولا عن غيرك وحتى فرحتك اذا قرا تعليقاتك طبيعيه جداً لا تلومين نفسك لا تعطين الموضوع اكبر من حجمه وتضخمينه بتفكيرك وخيالك لان هذا اعجاب بمشهور مو بس انتي معجبه فيه غيرك كثير مثل وضعك بكرا يجي مشهور جديد يبهرك ويسحرك وتتابعينه وتملين وتطفشين من اللي قبله اهم شي انتي بقرارة نفسك وداخلك عارفه ومقتنعه انه مجرد اعجاب لشخص مشهور لا اكثر يعني ماعندك ميول وتوهم انه بيصير بينكم اكثر من كذا انا متابعه مشاهير كثير بنات ورجال واقرا تعليقات بنات بتويتر من جماهير بعض المشاهير كل اللي تقولينه موجود عند جماهيرهم ردات فعلهم على جديده واللي يقدمه وتعليقاتهم على سناباته وحشهم فيه وتفاعلهم مع ادق التفاصيل من صور ومقاطع وسفرات وحلطمتهم عليه اذا غاب يومين ثلاثه وفرحتهم برجعته بعد غيابه وتصويرهم الخاص بالسناب اذا فتح رسايلهم يتشققون من الفرح وحتى يدعون لبعض انه يفتح رسايلهم وانا اشوف اللي يسوونه طبيعي جداً جداً عايشين اعمارهم وجيلهم اهم شي تكونين مثلهم تفاعلهم ومشاعرهم لا تتعدى كونه مشهور مثله مثل باقي المشاهير حتى وان كان هو الافضل في نظرك تحمست اعرف مين هذا المشهور

طيب انتي ليش متضايقه ؟ تابعيه وانبسطي على سناباته وصوره وتغريداته ترى كل شي من خلف شاشه لا درا...

روابي 30 :

لا والله مو طبيعي الا فضاوه وقله حياء وين عايشين احنا واذا صار مشهور والكوبه فيه وفي شهرته ياشيخه وين الحياء من الله واحد ماتعرفه تعلق بكلام وسخ وتتابعه ليل نهار لو امها ماجلست معها كل هالقد لكن الفضاوه وقله حياء عند البعض مو مشكله الواحد يتابع مشهور له فائدته لو تابعوه بحدود الادب مايصير هلوسه اما الواحد يتابع كل من هب ودب وبالساعات ويهتم بكل شيء فيه هذولاء مرضى الله يشفيهم .

لا والله مو طبيعي الا فضاوه وقله حياء وين عايشين احنا واذا صار مشهور والكوبه فيه ...

عواطف تركي :

استغفر الله ليش الرد المندفع على غير سنع ؟ وليش التبلي تقولين تعلق كلام وسخ ؟ وبعدين اقول عيشي جيلك واتركي جيل اللي بعدك يعيش جيله ويتفاهم مع بعضه ويفهم بعضه انا ماني مع ملاحقة المشاهير او التعلق فيهم لكن البنت واضح انها متوهمه ومضخمه الموضوع لانها اول مره تهتم لرجال في حياتها ولا شعورياً صارت تظن ان الاهتمام هذا والانبهار حب ! لانها ماذكرت انها تتمناه يكون معاها او يتزوجها ولا حتى فكرت تتخطى حدودها انا اعتبرها مثل اللي جالس ويفكر بصوت عالي .. ولانها اول مره تهتم لرجال في حياتها صارت توسوس وتهوجس ومتلخبطه وضايعه كأنها تبي احد يعلمها وش تسوي لان واضح انها ملت وطفشت لانها حاصره نفسها فيه عشان كذا نصيحتي لها لا تكبر الموضوع وتتصارع مع ذاتها وتفكيرها وتضخم الفكره براسها بالعكـس تتركها عادي تمر هذي الفتره بحياتها ثم تنتهي بدون حتى لا تحس كيف مرت وانتهت . ومثل ماقلت اليوم انبهرت بمشهور واعجبت فيه بكرا يطلع مشهور غيره ويبهرها اكثر من الاول وتنساه . وممكن اول ما تنخطب وتتزوج تسحب على ام وابو المشاهير كلهم من اولهم لاخرهم ويصيرون مايعنون لها شي لان مشاعرها وعواطفها بتكون مستقره ومرتويه وشبعانه . فياليت قبل تردون بتهجم تحطون انفسكم مكان البنت او تعتبرونها اختكم الصغيره وتوقفون جنبها هي ماكتبت هنا الا تبي تفضفض وتلقى ناس يسمعونها وتفرغ الطاقه اللي بداخلها بمكان آمن ما يضرها ولاحظي انها جات هنا تشتكي وتتكلم ماراحت للمشهور الفلاني او الرجال الفلاني وقالت له انها معجبه وتحب كل شي فيه لان بداخلها ماتبي هذا الطريق

استغفر الله ليش الرد المندفع على غير سنع ؟ وليش التبلي تقولين تعلق كلام وسخ ؟ وبعدين اقول...