so0oha

so0oha @so0oha

عضوة فعالة

تعبت من التفكير صرت اخاف على ديني

الأسرة والمجتمع

السلام عليكم ورحمة الله وبركاته

كيفكم حوائيات

بدخل بالموضوع على طول

بنااااات انا عمري 27 سنة وعزباء جامعية وغير موظفه للحين عادي
كنت طموحة وكاان ودي اسوي شيء يفيدني ويفيد غيري تفاجأت بعد تخرجي رفض ابوي اني اشتغل رفض قاطع خصوصا ان تخصصي بس في الشركات موجود طبعا جلست في البيت وحالتي حالة
فرااااغ يذبح لحد يقول لي خذي دورات وما دوراات عندنا مشكلة للي يودي ويجيب ابوي دوام وعندي 2 اخوان واحد برا منطقتنا والثاني يشتغل ووقته ضيق جاني الاكتئاب كل يوم نفس الموال لا روحات ولا جيات ولا صحبات اخر الاسبوع اروح مع امي عند جدتي واشوف خالاتي وهم كبار امي اصغر وحده وماشاء الله خالاتي بناتهم كلهم متزوجين وماباقي الا انا تفكيري بالزواج بيذبحني وانا عارفه انه رزق من الله ومالي يد فيه ولا لكم يد فيه
بس اللي مجنني افكر فيه وانا قايمة ونايمة ابغي اوقف هالتفكير ماني قادرة
حتى وقت صلاتي ابغى اخشع احاول بس مقدر اكتب لكم وانا منحرقة على نفسي
شوروا علي مالي غيركم بعد الله
5
1K

يلزم عليك تسجيل الدخول أولًا لكتابة تعليق.

تسجيل دخول

فرفرة99
فرفرة99
جربتي تحفظي قران؟
والله بتحسين براحة نفسية انا الحين قاعدة احفظ سورة البقرة وجدا مرتاحة
تعالي معانا في دورة الماهرة لحفظ سورة البقرة
او روحي معهد تحفيظ القران اللي قريبة من منطقتك
واستغفري كثير لسانك خليه دايما يذكر الله والله اشياء كثيرة تحققت لي من وراء الاستغفار وذكر الله
واذا تبين اتعلمي دورات عن طريق النت في المنتدى هاذا في كم من دورة شفتها
واشياء كثيرة تقدرين تسوينها
وادعي الله كثير ان ابوكي يوافق تشتغلي واتوكلي على الله
وبلنسبة لتفكيرك بالزواج كل ما فكرتي فيه اطرديه من عقلك يعني كل ما فكرتي فيها سوي شي على طول التهي بشي ثاني
اتمنى اني افدتك
توايلالا
توايلالا
حبيبتي اشغلي وقتك بالمفيد اشتري اجهزة رياضه وخصصي وقت تمارسي للرياضه فيه وتعلمي الماكياج والطبخ ترى بتفيدك لا تزوجتي وقدمي على مدارس اهليه او الجامعات واهتمي بدينك اكثر صومي صيام داوود واو الاثنين والخميس واعزمي صحباتك وكوني علاقات اشغلي وقتك ولا الكريم بالزواج ترى حتى المتزوجات عندهم وقت فراغ قاتل وملل لازم يشغلونه بالمفيد وفقك الله لما يحبه ويرضاه 
مضطهدة
مضطهدة
أنا مع فرفرة سبحان الله كنت مثلك تفكير كله يقصتر بالزواج وبعد ما خصصت لي ورد يومي وسويت لي جدول للطاعات سبحان الله ربي ربط على قلبي وصار يجيني برود اتجاه هالفكرة
لدرجة إني استهزأ فيها

الله يرزقنا بالأزواج الصالحين يارب
متى ابشركم بحملي
الله يفرجها على كل من ضاقت عليه
روح يرسمها المطر
مثل مشكلتك وعمرك وتفكيرك بالضبط
وزياده عليك الحزن ع حالي غلبني..
الله يكووون بالعون يارب..