استخيري ثم استخيري ثم استخيري
ثم يروح اخوك للعمل ويسأل عنه بطريقه غير مباشره هل هو ملتزم بالعمل ؟ وجيرانه بالحي ، وصدقيني ما أبعد عن المنطقه واصدقائه الا يبي الخير والله أهداه للصواب ...
لا تحكمين عليه قبل تسألون .. يمكن خويه حاقد عليه او ناوي له على شر .. وخطيبك تاب لله و تغير للأفضل وكثييييير ناس يتغيرون ... والله غفور رحيم ...
سمعنا كثييير من صحابة الرسول أسلموا وتابوا وهم كانوا على طريق الخطاء ...
وممكن خويه كذاب و حاقد .. انتبهي الله يسعدك ... والا خويي تاب و تعافى من البلاوي أعلم عن ماضيه و بلاويه والا أستر عليه ؟؟ ...

يعني مو ذيك الاخطاء بس شغب شباب وأتوقع فترة المراهقه يعني مو حبوب ولا حق بنات ولا به طبع البخل
عادي انا مو مثل قبل كم سنه
واعرف شخص يقولون كان مطفوق ويوم تزوج تغير مره واشوفه راكد حتى اركد اخوانه هو
يعني ماضيه مو بذاك السؤ وتغير
وبعدين واضح عنده حس مسؤوليه الي الوظيفه غيرته للأفضل
الشي الي ممكن تتاكدون منه طبعه يعني هل هو جلف واقشر مع الكل اولا بس فتره وتقليد لبعض اذا هي طبيعه له بتبان حتى لو تغير مع اني مستبعدتها لان الي زي الطبيعه ذي مايستمرون بوظيفه
اسالو عنه بالعمل وعن التزامه وعن اخلاقه كيف
بنسبه للاستخاره ماتغير شعورك لكن اذا به خير يتسهل واذا به شر يتعسر

طيب عادي شباب صغار ويتضاربوا من الفضاوه ولما يبداوا يكبروا شوي ويتوظفون ويتحملون مسوليات طبيعي بيتغير
الخوف من المدمنين والي فيه طبع البخل الشديد فقط لاغير هم الي ينحاف منهم الرجل الي مو مدمن ولافيه طبع بخل هذا تقدرين انتي تغيرينه باسلوبك وانوثتك وذكاءك من اول يوم مو تربينه كنك امه لا تغيرينه بانوثتك واهتمامك وعدم التدخل بخصوصياته

ارجعو اسألو اكثر اذا كان ذا كله ماضي اهلاً وسهلاً مدري احس الشباب كلهم زمان كذا !!!! ولما يكبر ويتوظف يعقل انا اتكلم عن المهاوشات والطلعات والاشياء ذي مو عن المخدرات ذي اشياء ماينسكت عنها!!! حتى لو ماضي المهم فكري انا زوجي والله كان قبل الزواج زمان الكل يخاف منه وانسان حق مشاكل وماخلا شي ماسواه وهذا هو اللحين ماشاء الله ربي هاديه واحسن منه مافيه ماشاء الله ربي يثبته واللحين يتذكر ويضحك على عقله يقول جهل وغباء واستحي على نفسي لما اتذكرها عشان كذا اسألو زينننن