الله يجزاكن خير

اذكر استاذه بالثانوي الله يذكرها بالخير..
قالت لنا اذا تبون تحافظون على الصلاة قولوا هذا الدعاء بسجودكم:
اللهم اعني على ذكرك وشُكرك وحُسن عبادتك🌿
دائماً رددي بسجودك اللهمّ علّق قلبي بالصلاة..
اللهم ردني إليك رداً جميلاً ✨
اللهم زِد قلبي حُباً وتعلقاً واقبالاً عليك..
اللهم اني اسألك الأُنس بـ قربك💙
معنى الأُنس: انك تستانسين اذا جاء وقت الصلاة لانك بتتقربين لربك..
قولي اللهمّ اجعل قُرة عيني في الصلاة ..
اللهمّ اجعلني من المحافظين عليها ولاتحرمني لذّة الخشوع فيها ..
واذا تبين نصيحتي ..
خلّي عندك هدف او اذا عندك امنيه مثلاً تبين تحققينها !
ادعي ربك فيها بالسجود ..
(الدعاء بالسجود يحقق الأمنيات)✨
خلّي عندك دعوه تدعينها بكل سجود تكون امنيه لك تتمنين ان الله يحققها ودائماً كرريها بالسجود
وقبل لاتسلمين من الصلاة ادعي الله فيها..
تدرين ليش قلت لك كذا ؟
لان الدُعاء عباده🌿

ومافيه شي يخلينا نحبّ ربنا
ونتقرب له الا عن طريق الدعاء❤️
اذا دعينا الله وحسينا بـ قربه وحبه
والراحه اللي تغمرنا لمّا نفرغ من الصلاة ..

بنحبّ الصلاة اكثر وبنطمع زياده
وبنحاول نتقرب من ربنا اكثر ..
عشان يرضى الله علينا !
وبعدها تجينا الراحه والطمأنينة
والخير والرزق وتحقيق الأمنيات💗
ف إذا انتِ ربطتي هذا الشي بالصلاة بيخليك تحبين الصلاة اكثر!
وتشوفين راحتك فيها
وتشوفينها مصدر طاقه ايجابية
وتفاؤل وقوه ..
وتعطيك أمل بإن الله راح يحقق لك
امنيات الدنيا والاخره✨💙
ودائماً حطي المنبه حق جوالك
قبل صلاة الفجر بساعه
-وقت عظيم جداً-✨
وقومي صلي بغرفه مافيها احد لحالك
وجهزي سجادتك وجلال صلاتك ..
وتطهرّي وصلي لك ركعتين
واذا سجدتي طولي بالسجود
وادعي ان الله يحببّك بالصلاة
ويثبتك عليها ويعينك عليها
ادعي الله !
صدقيني مهما كنتي مقصرة ..
ربنا ماراح يردك بيساعدك ويعينك
اطلبي المعونه منه وحده سبحانه ..
وادعي بأمنياتك اللي تحبينها بالسجود
المُهم طولي بالسجود وابكي فيه !
لان البكاء بالسجود يغسل روحك، ويطهرك من الذنوب..
هذا الشيء اذا فعلتيه راح يخليك
تستشعرين لذّة الصلاة والقرب من الله وبعدها يتعلق قلبك بالصلاة وتحبينها وتشوفينها مصدر سكينة لك💙
اتمنى اني قدرت افيدك ياروحي✨
دعواتك لي بإن الله يحقق لي امنياتي❤️

افتحي صفحة جديده وابداي صلي كل الصلوات ولاتاخرينها عن وقتها الين مايجي العشا وصليه بوقته عشان بكذا تريحين ضميرك انو مر يومك كامل وخلصتي صلواتك الحمد الله وكل صلاة ماتاخذ منك وقت ويكون بتركيز وخشوع وكل مااذن اتركي كل شي واتعوذي كثير من الشيطان وابداي توضي وصلي على طول وادعي كل مرة يارب ثبتني على صلاوتك يارب لاتجعلني من المقصرين واذا انتي على جنابه كل مره وبسرعة خذي شاور عالسريع واصلي حتى لو تكرر كم مره في اليوم خلاص عودي نفسك على كذا وبعدها ابدأي ادعي لعيالك وكل مره تصلين تنادينهم للصلاه واللي يقصر فيها نبهيه وحذريه ان الله يغضب عليه واول مايتحاسب العبد بالاخره بيتحاسب عالصلاه
وصح كلامك انو الأهل لهم دور لكن لا تحطينهم شماعه لانو المدارس ماقصرت من أولى ابتدائي واحنا نتعلم عن الصلاه والمعلمات مايقصرون يشرحون لنا عن الصلاه واهميتها وعاقبة تاركها والله يثبتنا على طاعته

لاتلومين اهلك
انتي الحين ام وعيالك بيلومونك
جاهدي نفسك وكل صلاه لاتكررين نفس السور حتى تخشعين
ودايم ادعي ربي يرزقك حبها وقيامها
الله يفتتح على قلبك

ادعي.. ادعي.. ادعي..


هذي نصيحتي لك تحري مواطن الدعاء وادعي الله بحرقه واسألي الله الهدايه والثبات..


الله يفتح على قلبك ويهديك ويجعل سعادتك وراحتك في الصلاه..