تعبت من التوتر والقلق

 
 لي متزوجة الى اﻻن تقريبا 6سنوات والحمدلله حياتي ماشية ومبسوطة وماتخلو من المناقرات والمشاكل .. زوجي اول زواجنا ماكان يبيني اكلم او اراسل وﻻ احد حتى اهلي وطاوعته لدرجة اهلي خافو علي عشاني مارد عليهم بس كنت سعيدة معه وبعدها الزيارات والزواجات مايخليني اروح اﻻ اذا كان عرس قريييب لي مره .. والواتس حملته وحذفه الى قبل فترة توظفت وصرت الح عليه ﻻني احتاج الواتس العمل مسووين قروب وكل شي عليه ..المهم لي سنه محملته وباﻻجازات يحذفة واول مامسك الجوال يسوي لي مشكله مانتي حولنا ومدري ايش .. الاغاني لو بالغلط شغلت يقعد يخاصم ويقول شيطانك قوي وهو عادي يشغل .. امي تحتي شقتها اذا مريت عليها يحدد لي وقت نص ساعه او ساعه واذا تاخرت 5دقايق سوا لي مشكله .. المهم قبل كم يوم وداني الدوام وهو ماعنده شي وحمل الواتس على جواله ﻻول مرة وﻻول مره كمان يحط رقم سري وهو دايم يقول جواﻻتنا مفتوحة لبعض  اول ماوصلنا بعد الدوام نط للسرير وعلى الجوال وانا حامل في السابع والبيت حالته حاله ومنظره يجيب الكابه قلت له ساعدني نظف الصاله بس واﻻ امسك اﻻوﻻد عندي2وﻻ يرد رحت جلست جنبه واشوف الجوال راح خباه تحت المخده ويضحك بسخرية وش تبغين عصبت زيادة قلت عطني الجوال رفض وحاولت اخذه بالقوة وعصبت عاﻻخيييير وبكيت المهم هو يضحك لما شفته يضحك ومو هامه قمت بكل قوتي افتك الجوال وماقدرت قمت جرحته بظفري في ذراعه وكان نفسي اضارب بس خفت على اللي ببطني ..وهو يطالع في يدة ويطالع فيني ويتكلم بس ماسمعه من اللي انا فيه ..تعبت وقمت استفرغت وحسيت جسمي مايشيلني رحت انام وتركت له اﻻوﻻد يتباكون اللي يبي الحمام واللي يبي اكل ..المهم اني بكيت الين نمت وصحيت وقعد يعاتب .. قلت اول شي اعطني الجوال ورفض ومسكته كذا مره رقم سري ومو راضي يعطيني الرمز.. ويقول كل واحد حر في جواله والى اليوم4 ايام وانا نفسيتي زفت وزعﻻنه واكل في نفسي وهو مسوي نفسه عادي ...ايش الحل؟؟