تعبت من الذكريات .. ابي انسااااااه

مرحبا


يابنات انا مطلقه من سنه بالضبط ..

كنت من سنه اقول يالله نفسي اغمض وافتح الاقي مر سنه على هالكابوس اكيد بيكون الجرح طاب ونسيت

لكن للاسف كان اللي صار امس

كل ماحطيت راسي على المخده رجعت لي كل الذكريات رجعت لي كل اللحظات

تذكرت وشلون افترقنا وكيف وليش ... تذكرت قسوته علي باخر الايام

وطردته لي عشان سبب تافه واهانته لي وماصدق اطلع من البيت وبعد اكثر من شهرين تذكرني

اتذكر وشلون ظلمني وقذفني لسبب تافه لاني بس شاركت بمنتدى مختلط ومعي خالي وزوجته وخالاتي ووربي حتى من اهله فيه بالمنتدى ومحد يدري عنهم وشاركت بحدودي وربي والكل داري اني متزوجه لكن احيانا امزح مزح عادي طبعا

كلهم عادي عندهم اللي زوجها عادي واللي قالها لا عاد تدخلي واللي عشان معنا خالي واخوي فعادي وانا كانه ماصدق يلاقي سبب عشان يقذفني ويهددني يفضحني عند الجماعه عشان سبب تافه وربي مو قادره انسى كلمته لي كل ماتذكرها اتااااااااااااااااااالم

صحيح عقب اعتذر وقال بس عصبيه وقال برجعها بس وابيها خلاص ذاك الوقت عجزت اتحمل وطلبت الطلاق وطلقني بالثلاث باتواريخ كذب وحنا مابيننا الا طلقه بس كانه يبي ينتقم مني ومن تصرفي ضده لاني رفضت ارجع واصريت ع الطلاق قالي بحسسهم اني انا بعد بايع مثلها لانه عزيز نفس


بعد مامرت سنه الحين اتعذذذب اشتاق له كان حبه عنيف وزعله عنيف اتذكر الايام الحلوه وابككككككككككككي

اشتقت له اتذكر كل لحظه بيننا تعبت وربي

الشوارع تذكرني فيه اذا مريت من جنب بيتي احس بادخله وهو بنفس حالته وبريحته وبالاقي زوجي قدامي مافي شي تغير

واول مايعدي الشارع ادري انه وهم بس

المطاعم تذكرني به خاصه مطعم كان يحبه واهلي الحين يحبونه دايم نروح له اللقمه توقف بحلقي وربي تخنقني العبره يذكرني به والمنيو به وكل شي

احيانا ادعي ربي انه يصحح ورقة الطلاق هذا اذا تتصحح ويرجعلي لاني بالرغم اللي سواه اعرف انه يحبني كانت الدلائل كثيره بس اذا غلطت بشي لو تافه يبدى يقسى ويظلم وعجزت اتحمل وربي كان يقهرني كثير يبكيني كثير بس من نتراضى يصير شخص ثاااااااااااااني يدلعني ويحبني


واحيانا اقول الله يرزقني غيره اللي ينسيني اياه وينسيني ايامه

وقد انخطبت وربي اكثر من مره وكل ماتجي السيره وربي يضيق صدري مابي اكون لغيره مااااااااابي رجال غيره بالرغم اني انا اللي اصريت على الطلاق من يوم خرجت من بيته من تصرفاته قلت ريحوني وطلقوني اتعبني بتصرفاته وتقلباته


للحين احس اني مذبذبه كان بيننا حب كبير والكل يشهد

اليوم سمعت هرجه من واحد من خوالنا قال ماتخيل هالاثنين افترقوا مافي امل يرجعون

هذا وهو رجال كبير اجل وش اقول انا مو قادره استوعب :( للححين

ادري لو كنت رجعت له بيراعيني فتره لان دايم كنا نتهاوش واروح لاهلي وارجع يستقبلني بدموع ويشيلني بعيونه و ويوعودني وعود ويرجع يخلفها منها دراستي اللي هي شرطي حرمني منها ومن العلاج يالله يخليني اتعالج مايبي اطفال ولا وظيفه تعبت من وحدتي معه و بالتدريج يرجع يقسى بس المره الاخيره كلامه ذبحني وصرت اخاف منه ورفضت :(


كملت دراتس وباقي ترم واتخرج وهذا اكبر احلامي اللي ذلني بها مو بس حرمني منها

سويت ريجيم ونقصت كثييييييييير وصار جسمي يهبل حاوت اغير بوضعي وظاهري بس داخلي ماتغير :(

اه ياربي .. رحمتك



ماقدر ارد مشاركاتي محدوده

بالنسبه للي سالوا كيف الطلاق هو كتب 3 طلقات بتواريخ من عنده تاليف عشان تحتسب 3 حسبي الله ونعم الوكيل


انا اهلي شالوا الورقه بس بالصدفه لقيتها وقريتها وانصدمت وبالبدايه ارتحت قلت الحمدالله لانه قهرني كثير واتعبني ولاني اكتشفت عليه امور فضيعه تشيب الراس ... احسن بالثلاث عشان ماحن بس حنيت برضو

مكتوب حضر فلان وطلق زوجته فلانه بحضور الشهود فلان وفلان في اليوم الفلاني والطلقه الاولى بالتاريخ الفلاني والثانيه هكذا والثالثه

وقد علمته انها لن تحل له حتى تنكح زوجا غيره وبس :(