ام ريان999 @am_ryan999_1

عضوة فعالة

تعبت من الذل والاهاناااات من مثلي!!!!!

كيفكم حبيايبي مساكم الله بالخير

ابخش بالموضوع من دون مقدمات انا ياطويلات العمر امس تهاوشت مع ابو الشباب على موضوع قاهرني السالفه ومافيها انه جاني زوجي على الساعه تقريبا 11 ومن دخل وهو يقول عطيني جوالك شوي ابشغل ذاكرتي حقت جوالي قلت له ليه وين جوالك قال بعته ومن دخل وهو يرزز جواله الجديد قدام وجهي يبي يخليني قدام الامر الواقع كذا ويبي يضيع السالفه بس والله ماخليته بقلبي واقوله ايه تعرف تشتري لنفسك بس اما اللي لي 5 شهور اشحذ منك ابيك تشتري لي وحاقرني والله يابنات انه ابي اغيره مو مظهر بس والله خربان مايرن ولافيه صوت وكل عله فيه وصابره والله اني اتفشل اطلعه قدام احد تدرون وش قالي انتي من بتكلمين انا عندي الشغل لو يدقون علي وكان جوالي خربان وش اسوي مع انه والله احلف لكم انه جواله مافيه شي بس يدورله حجه
قلت ليه مالي احد اكلمهلو ماجاك الا اهلي الزم ماعلي قال اهلك يبونك يدقون على جوالي قلت اجل تبيني مثل ذا الجدار لااكلم احد ولا احد يكلمني قال انا ماقلت كذا انتي اللي قلتي قال ابي عشا ابي اكل قومي صلحي لي شي اكله ادري شبعان بس يبي يضيع السالفه وخليت الجوال معه ينقل اللي بذاكرته لجواله الجديد وجيت وحطيت له الاكل وجلست قال خذي جوالك جتك من هاذي اللي داقه قلت ومن سمحلك افتح الرساله قال كنت اقلب وجت الرساله وانفتحت وقريتها قلت انت تقوم الدنيا ان فتحت جوالك بس اشوف الساعه وتزعل وانا اذا فتحت جوالي تبيني ماازعل وعادي ليه اخترم خصوصيتك ولا تحترم خصوصيتي رسايلي ماابيك تقراها افرض فيه شغله حريم ماابيك تعرفها قال تبيني يوم جت الرساله اسويبه كذا ورمى جوالي بالجدار وتبدد بالارض تراني اعرف اسوي كذا قلت ايه كسره بعد من زينه تكسره قال ابكسره وانتي مالك دخل مو انا اللي شاريه بكيفي اكسره حلالي قلت اسمع مو تذلني قال الا بذلك ومالك فضل علي وقام وخذا الجوالوقعد يركبه وجا ومده لي قلت حطه تحت مخدتك ونم عليه قال لاخذيه معليش مابيه عندي جديد يبي يقهرني خذيه وعطيني الذاكره حقتي مااعرف اطلعها وعطيته ضهري ونمت قال شفتي اسلوبك الوسخ والله تندمين عليه قلت الله اعلم من اسلوبه الوسخ انا تبيني بها البيت بس اغسل واطبخ واكنس واقابل مبزره واكوي ولافيه حتى كلمه حلوه تجازيني فيهامنيب لالا وان عطيتني ذليتني فيها طول عمري انا عطيتك الشي الفلاني انا سويت انا حطيت تعبت ذل تعبت اهانات والله يا بنات انا جامعيه ويمديني اتوضف واعزنفسي عن مذلته بس هو رافض يقول انتي بس بشهادتك رافعه خشمك وشلون اذا توضفتي واهو مامعه غير الثانوي عشان كذا يحس بالنقص ويحس انه كل شي يعطينيااااااااه فضل منه

وش رايكم بنات من اللي غلطان انا والا اهو تعبت من الذل والاهانه ووش لون احل السالفه تكفووووووون شورو علي تكفوووون

يلزم عليك تسجيل الدخول أولًا لكتابة تعليق.

تسجيل دخول

ااام نايف • 13 سنة

حاولي تفاهمين وويااه ، صراحـه الوظيفه ااهم شي ، ددامه مو ملبي طلبااتكك اقنعيه ع الوظيفــــــه ، الدنياا الان صايره مظاهر ، الله يعينـك ويصبر قلبك على مابلااك ربي ،

محتاره900 • 13 سنة

الله يسخره لك

لاتعاندينه كان من النوع اللي يحب يعاند يمكن يجي بأسلوب ويسويلك اللي تبين ... ماتنلامين اذا انقهتي على الجوال حاولي معه بأسلوب يمكن تقدرين عليه احسن يمكن من المرادد وتكبر السالفه مع المرادد

هذا اللي عندي الله يعينك ويهدي بالك

om dede • 13 سنة

الله يعينك بس انا اقولك لاتطولين الحكي مع واحد زيه صديقني الصفط يمشيهم على العجين مايلخبطونه

ياعيني على الشرقية • 13 سنة

العين الحمراء علاج لكل شي

ريمـــآ • 13 سنة

الله يعينك علية اسمعي نصيحتي لاتتركين الوظيفه لعيونة توظفي اختي رفض زوجها الوظيفه وبعد كم سنة تزوج عليها والحين تعض اصابع الندم_ حاولي تقنعية فيها _ دعواتك لي بالذرية الصالحه العاجله