تعبت من الرحمه الزايده

بنات عندي مشكلتي
مكرهيني حياتي
اول مشكله
واهم شي بحياتي اللي مسبب لي حزن
وتأنيب ضمير
انا شخصيه رحووووووووووومه اتعب وانا اقولك
رحومه حتى لو عدوي ارحمه
أرحم كل شي يجي ببالكم
ارحم الشغالات ارحم السواقين والعمال
ارحم نص قريباتي لاني اعرف مشاكلهم واعرف
وش محرومين منه
ارحم الأطفال وارحم الحريم الكبار والشيبان
اقسم بالله مافي شي يضايق لكن اتضايق لما اشوف
شخص كبير يالله يمشي وكذا😭
اتضايق لما اشوف طفل يصيح او يبي شي
وارحمه ودي اخذه واعطيه كل الدنيا
ارحم العمال والسواقين خاصه كبار السن😭
ارحم خواتي بشكل مبالغ اقسم بالله
بقولكم نكته
ارحم قريبتي عشانها نحيفه مره
لما اشوف جسمها ويدينها من شدة النحف ودي اصيح
لاني اعرف انها تتمنى السمن😭😭😭😭
يعني ارحم اشياء عاديه
ويضيق صدري على اشياء عاديه
خواتي ارحمهم بشكل مفرط والله بدون مبالغه
تجيني احيانا مواقف وكلام جارح منهم
لكن
مستحيل تطلع كلمه جارحه لهم كل هذا خوف اني أجرحهم
ثاني مشكله قلبي طيب ولينننننننن
من شدة طيبه قلبي احس اني غبيه
بنات مافي احد اكره !!
مافي احد تجسده مافي احد اغار منه
مافي احد بقلبي عليه شي !!
كل الناس احبهم حتى اللي اعرفهم انهم يكرهونني اقسم بالله
اني أساعدهم احيانا وانا ادري وش قايلين فينا
مع اني تجيني مواقف من قرايب ومن خواتي رمي كلام
وهواش لكن مدري وش فيني كذا
انا مشكلتي بالحياة كلها الرحمه الزايده
يعني ناسيه نفسي
اقسم بالله احسد كل بنت أنانيه
ماتفكر الا بنفسها وبس لان هذي اللي تعيش
اما اللي مثلي ابد ابد مو عايشه
انا من شدة طيبتي ورحمتي اهلي يهاوشوني
احيانا يقولون انتي غبيه ماتستوعبين فلانه ماتطيقنا
فلانه من تحت لتحت
فلانه نجسه
فلانه فيها وفيها لايغرك شكلها لكن ابد ماصدق
حتى لما انقرص ماتوب يابنات
كانت عند خالتي شغاله خالتي شوي شديده على الخدامات
يعني حتى الاكل ماتعطيهم الا شي بسيط وياويله تاكل
من الثلاجه شي خلاص الوجبات المحددة وبس
سافرت خالتي وتركت الشغاله عندنا امي نفس طبعي
بس اخف شوي مني
يعني ترحم كنا اي نأكله اي شي نشتريه
اجيب للخدامه والله لما شفتها مشتاقه لعيالها وتسال
عن اللبس وكذا بغيت ابكي ورحت اشتريت لها بدون
علمها من السوق وعطيتها وجلست تبكي
وتقول اني أتمنى ان مكاني عندكم
انا ماتمنى أكون قاسيه زي خالتي ولا فيني رحمه
لكن أتمنى الرحمه الزايده تخف
ولا ارحم اي احد مو معقول كذا وضعي 😭